Úkimet monoqalalardaǵy jumyssyzdyq deńgeıin 5 paıyzǵa deıin tómendetýge kúsh salmaq

Bul týraly búgin Úkimet otyrysynda 2012-2020 jyldarǵa arnalǵan monoqalalardy damytý josparyn tanystyrǵan QR Ekonomıkalyq damý jáne saýda mınıstri Baqytjan Saǵyntaev aıtty.

«Baǵdarlama eki kezeńge bólingen, atap aıtqanda bastapqy kezeń 2013-2015 jyldardy jáne 2020 jylǵa deıingi senimdi damý kezeńin qamtıdy. Bul 2020 jyly kelesi maqsatty ındıkatorlarǵa: bir salaly qalalarda belsendi jumys isteıtin shaǵyn kásiporyndardyń sanyn 4 esege kóbeıtýge, bir salaly qalalarda eń tómengi kúnkóris deńgeıinen tómen halyqtyń úlesin 6 paıyzdan aspaıtyn deńgeıge deıin tómendetý, bir salaly qalalarda jumyssyzdyq deńgeıin 5 paıyzdan aspaıtyn deńgeıge deıin tómendetýge qol jetkizýdi qamtamasyz etýi tıis», - dedi mınıstr.

Onyń atap ótýinshe, baǵdarlamada monoqalalarmen qatar aǵymdaǵy jyly bir salaly qalalar tizbesine kirmegen shaǵyn qalalardy da damytý jóninde keshendi josparlar ázirleý qarastyrylǵan. Іs-sharalardy qarjylandyrý jergilikti bıýdjet esebinen júzege asyrylatyn bolady.