Úkimet mınıstrlikterdegi komıtetter sanyn ońtaılandyrýy qajet - N.Nazarbaev
ASTANA. QazAqparat - Úkimet mınıstrlikterdegi komıtetter sanyn ońtaılandyrýy qajet. Bul týraly búgin Aqordada ótken Úkimettiń keńeıtilgen otyrysynda Elbasy Nursultan Nazarbaev aıtty.
«Men atap ótpegen ári memlekettik organda qalatyn barlyq basshylar apparattaryn ońtaılandyrýy qajet. Apparat ishinde qaıtalaý bolmaýy tıis. Úkimet te mınıstrlikterdegi komıtetter sanyn ońtaılandyrýy qajet»,- dedi Elbasy.
Memleket basshysy mınıstrlik qurylymynda aýmaqtyq bólimshesi bar komıtetter ǵana qalýy tıistigin basa atap ótti. Al ondaı qurylymdary joq komıtetter mınıstrliktiń departamenti retinde qaıta qurylýy qajet.
«Osyǵan oraı Úkimetke osy sheshimderden týyndaıtyn barlyq qajetti sharalardy qabyldaýdy tapsyramyn. Jergilikti ózin ózi basqarýdy reformalaýdyń kelesi kezeńinde ózin ózi basqarý organdarynyń qarjylyq-ekonomıkalyq derbestigi úshin myǵym negiz qurýdy qarastyrý qajet», - dedi N.Nazarbaev.
