Úkimet «Memlekettik qyzmetter týraly» zańdy ázirleýdi jedeldetýi tıis - Elbasy
ASTANA. 27 qańtar. QazAqparat /Marlan Jıembaı/ - Úkimet «Memlekettik qyzmetter týraly» zańdy ázirleýdi jedeldetýi tıis.
Bul týraly búgin Úkimettiń keńeıtilgen otyrysynda Elbasy Nursultan Nazarbaev aıtty.
«Úkimet «Memlekettik qyzmetter týraly» zańdy ázirleýdi jedeldetýi tıis. Bıznes úshin ákimshilik kedergilerdi qysqartý - basqa aspekt. Nátıjeleri de kóńil qýantarlyq emes. Barlyq lıtsenzııalar alǵashqy 30 paıyzǵa qysqartylǵannan keıin 1015 ruqsat berý qujatynyń shamamen 700-i qalýy kerek bolatyn, al 2011 jyldyń sońynda júrgizilgen túgendeý nátıjesinde, olardyń sany qysqartylǵanǵa deıingiden de asyp túsip, 1137-i qurady», - dedi Elbasy.
Memleket basshysynyń atap ótýinshe, memleket apparatyn qysqartqanymen, sheneýnikterdiń, ruqsat berý protsedýralaryn azaıtqanymen olardyń sany arta túsýde.
«Bundaı jumyspen kúni keshe ǵana Parlamenttiń Úkimetke artqan senimi uzaqqa barmaýy múmkin», - dedi Memleket basshysy.
Aldaǵy kezeń óte qıyn ári jaýapty ekendigin basa aıtqan N.Nazarbaev: «Barlyqtaryńyzǵa Parlament jáne meniń tarapymnan zor senim artyldy. Osy senim údesinen shyǵyp, qýantyńyzdar», - dedi.
