Úkimet memlekettik basqarý organdary arasyndaǵy ókilettikterdiń arajigin ajyratý máseleleri boıynsha zań jobasyn bekitti
ASTANA. 26 naýryz. QazAqparat - Búgin Úkimet otyrysynda «Qazaqstan Respýblıkasynyń keıbir zańnamalyq aktilerine memlekettik basqarý organdary arasyndaǵy ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» QR zańynyń jobasy maquldandy.
Aıta keteıik, Memleket basshysynyń «Qazaqstan - 2050» Strategııasy - qalyptasqan memlekettiń jańa saıası baǵyty» atty Joldaýyn iske asyrý úshin ortalyq pen óńirlerdiń arasyndaǵy jaýapkershilik pen ókilettikterdiń arajigin ajyratý jóninde naqty sharalardy qabyldaý, sondaı-aq jergilikti atqarýshy organdardy kúsheıtý maqsatynda atalǵan zań jobasy ázirlenip otyr.
Taratylǵan málimetterge qaraǵanda, bul qujattar memlekettik qyzmetterdi barynsha jaqyndatý, memlekettik basqarý deńgeıleri arasyndaǵy qyzmetterdiń qaıtalanýyn joıý máseleleri qarastyrylǵan.
Zań jobasyn qabyldaýdyń maqsattary memlekettik basqarý deńgeıleri arasyndaǵy ókilettikterdiń arajigin ajyratýǵa jáne jergilikti, ortalyq memlekettik organdardyń, sondaı-aq olardyń qurylymdyq bólimsheleri qyzmetiniń qaıtalanýyn boldyrmaý men jergilikti atqarýshy organdardy kúsheıtý jáne memlekettik qyzmetterdi halyqqa barynsha jaqyndatýdy eskerip otyr.
Aıtka keteıik, budan basqa, Prezıdent Ákimshiliginiń kelisýimen atalǵan zań jobasymen Bilim jáne ǵylym mınıstrligi Balalar quqyǵyn qorǵaý komıtetiniń aýmaqtyq organdarynyń fýnktsııalaryn oblystyq deńgeıge berý kózdeledi.
