Úkimet memlekettik baǵdarlamalardy ózi ázirlep, ózi iske asyrady - Jaqsybekov
Otyrys kezinde QR Parlamenti depýtaty Irına Aronova QR Prezıdenti Ákimshiliginiń basshysyna Úkimet quzyryna qatysty saýal joldaǵan bolatyn.
"Konstıtýtsııalyq ózgeristerge sáıkes, elimizdiń áleýmettik-ekonomıkalyq damýynyń mańyzdy baǵyttary boıynsha Úkimettiń jaýapkershiligi kúsheıtilýde. Memlekettik baǵdarlamalardy bekitý, qamtamasyz etý jáne oryndaý turǵysyndaǵy Úkimettiń jaýapkershiligi artady dep kórsetilgen. Biz buny qoldaımyz. Sebebi atqarýshy bılik ózi ázirlegen strategııalyq qujattarǵa qatysty jaýapkershilikterdi tolyq óz moınyna alýy tıis. Atalmysh normalardyń tıimdi júzege asyrylýy úshin qandaı sharalar qabyldanýy tıis?" - dedi depýtat.
Óz kezeginde, Jaqsybekov Konstıtýtsııaǵa ózgerister engizýdiń ózi úlken shara ekenin atap ótti.
"Úkimettiń jaýapkershiligi kúsheıtiledi. Úkimet memlekettik baǵdarlamalardy ózi ázirlep, ózi iske asyrady. Quzyrlary naqty belgilenedi, osylaısha Úkimet ózge ınstantsııalarǵa jaýapkershilikti arta almaıdy. Bizdińshe, bul shara memlekettik baǵdarlamalardyń sapasy men tıimdiligin arttyratyn bolady", - dedi ol.
Aıta keteıik, búgin Parlament palatalarynyń birlesken otyrysynda «QR Konstıtýtsııasyna ózgertýler men tolyqtyrýlar engizý týraly» zań jobasy talqylanýda. Otyrys basynda QR Prezıdenti baıandama jasady.
