Úkimet memqyzmetshige arnalǵan qyzmettik páterdiń shekti baǵasyn belgileıdi
«Qyzmettik páter satyp alý sharttaryn reglamenteý qajettigine qatysty sizdiń depýtattyq saýalyńyzdy qarap, mynany habarlaımyz. Tolyqtaı alǵanda, memlekettik organdar men uıymdar satyp alatyn baspananyń baǵa parametrleri men ruqsat etiletin aýdanyn reglamentteý qajettigi týraly usynysqa qoldaý bildiriledi», - deıdi Úkimet basshysy.
Premer-Mınıstrdiń jaýabyna qaraǵanda, «Turǵyn úı qatynastary týraly» Zańǵa sáıkes ákimdikter memlekettik turǵyn úı qorynan nemese jeke turǵyn úı qorynan jalǵa alynǵan páterler bir adamǵa 15 sharshy metrden kem emes, biraq 18 sharshy metrden aspaıtyn kólemde beriledi. Degenmen, beriletin páter bir bólmeli nemese jataqhana bólmesi bolmaýy tıis.
«Osyǵan oraı, memlekettik satyp alýlar aıasynda qyzmettik baspanany satyp alý barysynda bıýdjet qarajatyn tıimdi paıdalaný maqsatynda Indýstrııa jáne ınfraqurylymdyq damý mınıstrligi múddeli memlekettik organdarmen birlesip, «Nurly jer» memlekettik baǵdarlamasynda belgilengen shekteýlerdi eskerip, qyzmettik baspana aýdanynyń shekti normasy men baspana satyp alýdyń baǵa parametrlerin ázirleý sharalaryn qabyldaıtyn bolady», - dedi Baqytjan Saǵyntaev.
