Úkimet makroekonomıkalyq turaqtylyqty qamtamasyz etý úshin barlyq qajetti sharalardy qabyldaıdy

Búgin Parlament Májilisindegi «Qazaqstan Respýblıkasy Úkimetiniń turaqty ekonomıkalyq ósýdi jáne jumyspen qamtýdy qamtamasyz etý úshin daǵdarysqa den qoıý sharalary» atty taqyryptaǵy Úkimet saǵatynda baıandama jasaǵan Ekonomıka jáne bıýdjettik josparlaý mınıstri Erbolat Dosaev osylaı dep sendirdi.

«Teńge baǵamynyń turaqtylyǵyn qamtamasyz etý maqsatynda Ulttyq bank altyn-valıýta rezervterin paıdalanatyn bolady. Qolaıly deńgeıden tómen rezervti qysqartý barysynda erekshe sharalar retinde kapıtaldyń elden ketýin shekteý boıynsha valıýtalyq retteý sharalary qarastyrylady. Ekinshi deńgeıli bankterdiń ótempazdyǵyn qoldaý úshin Ulttyq bank edáýir dárejede bankterge ótemdilikti bergen kezde kepildi qamtamasyz etý tizbelerin keńeıtý esebinen qaıta qarjylandyrýdy arttyrady», - deıdi Erbolat Dosaev.

Budan bólek, qaryzdy ósirmeý boıynsha sharalardy qosa alǵanda kvazımemlekettik jáne memlekettik boryshtar jaǵdaıyn memleket tarapynan baqylaýdyń pármendi tetikteri iske qosylady. Mınıstrdiń aıtýynsha, áleýmettik turaqtylyqty qamtamasyz etý úshin barlyq memlekettik mindetterdi oryndaýdan bólek, qosymsha jumyssyzdyqtyń ósimin boldyrmaý, halyqtyń áleýmettik osal toptaryna qoldaý kórsetý sharalary qabyldanady.

«Úkimet turaqty túrde álemdik ekonomıkalyq ahýalǵa júıeli monıtorıng júrgizedi jáne Qazaqstan ekonomıkasyna álemdik yqpaldy baǵalaýdy nazarda ustaıdy. 2012 jyldyń ózinde biz osyndaı jedel júıeni qurǵan bolatynbyz. Osylaısha, el Úkimeti memleketimizdegi makroekonomıkalyq turaqtylyqty jáne ekonomıka ósiminiń josparly qarqynyn qamtamasyz etý úshin barlyq qajetti sharalardy qabyldaıdy», - deıdi E. Dosaev.