Úkimet kvazımemlekettik sektorda valıýta operatsııalaryn úılestirý jumysyn bastady

NUR-SULTAN. QazAqparat - QR Ulttyq banki 2020 jyldyń 1 shildesine deıin Qazaqstanda hedjırleý ınfraqurylymyn damytý boıynsha usynystar engizýi tıis. Bul týraly Úkimettiń keńeıtilgen otyrysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Úkimet pen Ulttyq bank kvazımemlekettik sektordaǵy kompanııalardyń valıýtalyq operatsııalaryn úılestirý jumysyn bastady. Bul mańyzdy, jumysty jalǵastyrý qajet. Ótken jyly kvazımemlekettik sektordyń valıýtalyq zaımdaryn qaıta qarjylandyrý júzege asyryldy. Bul olardyń balansyn jaqsartyp, valıýtalyq táýekelder áseri tómendedi», - dedi Memleket basshysy.

Qasym-Jomart Toqaev Úkimet pen kvazımemlekettik sektordaǵy kompanııalar birinshi kezekte qarjylandyrýdy eldiń ishinen teńgemen tartýy qajettigin eskertti.

«Buǵan qosa, Ulttyq bankke osy jyldyń 1 shildesine deıin Qazaqstanda hedjırleý ınfraqurylymyn damytý boıynsha usynystar engizýdi tapsyramyn»,- dedi Qazaqstan Prezıdenti.