Úkimet Qostanaı oblysyndaǵy tótenshe jaǵdaıdyń saldaryn joıý úshin qarjy bóledi

NUR-SULTAN. QazAqparat - Prezıdent Qasym-Jomart Toqaev Premer-Mınıstr Álıhan Smaıylov, Tótenshe jaǵdaılar mınıstri ıÝrıı Ilın jáne Qostanaı oblysynyń ákimi Arhımed Muhambetovtyń órt aımaǵyndaǵy jedel jaǵdaı týraly esebin tyńdady.

Bul týraly QazAqparat BORT№1 Telegram kanalyna silteme jasap habarlaıdy.

Barlyq memlekettik organdardyń jumysyn Prezıdent Ákimshiliginiń basshysy Murat Nurtileý men Prezıdenttiń kómekshisi – Qaýipsizdik keńesiniń hatshysy Ǵızat Nurdáýletov úılestiredi. Olar Memleket basshysyna órtti aýyzdyqtaý jáne eldi mekenderden azamattardy evakýatsııalaý boıynsha qabyldanǵan sharalar týraly jedel baıandap otyr.

Prezıdent azamattardyń qaýipsizdigin qamtamasyz etý men órtti sóndirý sharalaryna basymdyq berýdi tapsyrdy. Sondaı-aq Úkimetke tótenshe jaǵdaıdyń saldaryn joıý úshin qajetti qarajat bólý týraly tapsyrma berildi.