Úkimet komıssııasy «Bek Air» kompanııasynyń ushaǵy qulaǵan jerge keldi

NUR-SULTAN. QazAqparat – Úkimetten qurylǵan arnaıy komıssııa «Bek Air» kompanııasynyń ushaǵy apatqa ushyraǵan jerge keldi, dep habarlaıdy QazAqpat Azamattyq avıatsııa komıtetine silteme jasap.

«2019 jylǵy 27 jeltoqsanda saǵat 07:22 - de Almaty-Nur-Sultan baǵyty boıynsha «Bek Eır» áýe kompanııasynyń №Z2100 reısi ushyp kóterilý kezinde bıiktikten aıyrylyp, betondy qorshaýdy syndyrǵan.

Ushaq Almaty oblysy Talǵar aýdany Gúldala jáne Ál-merek eldi mekenderiniń ortasyndaǵy ekiqabatty qurylys nysanyna soǵylǵan. Dereý qutqarý jumystary bastaldy, órt bolǵan joq. Oqıǵa ornyna medıtsınalyq kómek kórsetý úshin 40 jedel járdem brıgadasy jiberildi.

Almatyda qulaǵan ushaq isine qatysty QR Premer-Mınıstriniń tapsyrmasy boıynsha úkimettik komıssııa quryldy. Komıssııa quramynda QR Premer-mınıstriniń orynbasary R.Sklıar, QR Indýstrııa jáne ınfraqurylymdyq damý mınıstri j B.Atamqulov jáne basqa da memlekettik organdardyń ókilderi bar. Aldyn ala derekter boıynsha bortta 95 jolaýshy, 5 ekıpaj múshesi bolǵan.

Áýe kemesiniń ushýǵa jaramdylyq sertıfıkaty 2019 jyldyń mamyr aıynda berilgen. Borttyń shyǵarylǵan ýaqyty 1996 jyldyń sáýir aıy. Qazaqstandyq reestrde 2016 jyldyń 26 tamyzynan tirkelip tur. Áýe kompanııasyndaǵy Fokker-100 áýe kemesiniń sany -10, olardyń 9-y ushýǵa jaramdy.

Oqıǵanyń naqty sebepteri anyqtalyp jatyr.

Qazirgi ýaqytta Qazaqstannyń avıatsııa komıtetiniń ákimshiligi «Bek Eır» áýe kompanııasynyń ushaqtaryn toqtatty.