Úkimet kómir jetkizý tizbegindegi ónimsiz deldaldardy joıý jumystaryn bastady

NUR-SULTAN. QazAqparat - Qazaqstan Respýblıkasy Premer-Mınıstriniń birinshi orynbasary Roman Sklıardyń tóraǵalyǵymen kommýnaldyq kómirge baǵa belgileý máselesi qaraldy, dep habarlaıdy primeminister.kz.

Kómirdi taýar bırjasy arqyly ótkizý boıynsha pılottyq jobanyń nátıjesi talqylandy. Bul mehanızm óziniń tıimdiligin kórsetti – deldaldardyń sany qysqardy, bólshek satýshylardyń kómir kenishteriniń resýrstaryna tikeleı qol jetkizýi qamtamasyz etildi.

Kómir qunyna ońtaıly baǵa belgileýdi qamtamasyz etý maqsatynda Úkimet ónimsiz deldaldardy shettetý jumystaryn bastady.

Indýstrııa jáne ınfraqurylymdyq damý, saýda jáne ıntegratsııa mınıstrlikteri men Básekelestikti qorǵaý jáne damytý agenttigi halyqty kómirmen qamtamasyz etý tizbegindegi qajetsiz baılanystardy joıý jáne taýar bırjasy arqyly satylatyn kómir kólemin kezeń-kezeńimen ulǵaıtý sharalaryn ázirleýde.

Bul jumys Úkimettiń erekshe baqylaýynda.