Úkimet «Qol jetimdi baspana - 2020» baǵdarlamasyn qabyldady
«Elbasynyń joldaýyna sáıkes baǵdarlamanyń basty baǵyty qol jetimdi turǵyn úıge negizdelgen. Serik Ahmetovtyń basshylyǵymen 4 aı merzimde jumys toby tıisti sharalardy atqardy. Osy merzimde kóptegen suraqtar týyndap, olar zerdelendi. Endi búgingi Úkimet otyrysy barysynda baǵdarlama aıtarlyqtaı jetkilikti qarastyrylǵanyn sezip otyrmyn»,-dep atap ótti Úkimet basshysy Kárim Másimov.
Osy turǵyda Premer-Mınıstr, birinshi orynbasary S. Ahmetovke baǵdarlamanyń júzege asyrylýyn tyńǵylyqty baqylaýda ustaýdy tapsyrdy.
Úkimet otyrysy barysynda baıandama jasaǵan Qurylys jáne turǵyn úı-kommýnaldyq sharýashylyq isteri agenttiginiń basshysy Serik Nokınniń sózine qaraǵanda, baǵdarlama aıasynda 2014 jylǵa qaraı arendalyq turǵyn úı qurylysyn 1 mln. sharshy metrge jetkizý, sondaı-aq 2020 jylǵa qaraı qurylys kólemin 10 mln. sharshy metrge deıin jetkizý maqsattary bekitilip otyr.
Qol jetimdi turǵyn úı baǵdarlamasyn júzege asyrýǵa baılanysty Qazaqstanda qurylysty ındýstrııalandyrý odan ári qaraı jalǵasatyn bolady.
