Úkimet kedendik júkterdiń zańsyz aınalymyna jol bermeý maqsatynda shekarany kúzetýdi kúsheıtedi
aýryzdyń 18-i. QazAqparat /Qanat Mámetqazyuly/ - Úkimet kedendik júkterdiń zańsyz aınalymyna jol bermeý maqsatynda shekarany kúzetýdi kúsheıtedi. Búgin QR Parlamenti Senatynyń jalpy otyrysynda 2010 jylǵa arnalǵan naqtylanǵan bıýdjetti talqylaý barysynda depýtattardyń saýalyna jaýap bergen QR Premer-Mınıstri Kárim Másimov osylaı málim etti,
dep habarlaıdy QazAqparat.
«Búgingi kúni Úkimet tıisti memlekettik organdarmen birlese otyryp, birqatar kórshiles memleketter boıynsha kedendik júkterdiń zańsyz aınalymyna jol bermeý maqsatynda Qazaqstannyń memlekettik shekarasyn kúsheıtý jumystaryn júrgizip jatyr. Búgingi naqtylanǵan bıýdjette bundaı sharalarǵa arnaıy qarajattar da qarastyrylyp otyr. Jalpy, bizdiń qolymyzda jedel aqparattar barshylyq jáne tıisti jumys toptary kedendik júkterdi zańsyz tasymaldaýdy barynsha tómendetýge qatysty sharalardy atqarýda. Úkimet buǵan qatysty tártipti ornyqtyratyn bolady», dedi Premer-Mınıstr.
