Úkimet Kedendik odaqtyń qurylýmen baılanysty birqatar qujattardyń toptamasyn maquldady

Atap aıtqanda Úkimet, Arnaıy ekonomıkalyq aımaqtar týraly kelisimniń jobasyn jáne jaqynda Sankt-Peterborda ótetin Kedendik odaq komıssııasynyń otyrysynda qol qoıý úshin erkin qoımalar máseleleri týraly kelisimniń jobasyn, sondaı-aq Kedendik odaqtyń kedendik shekarasy arqyly jeke tulǵalardyń jeke paıdalanýǵa arnalǵan taýarlardy alyp júrýi tártibi jáne olardyń shyǵarylýymen baılanysty kedendik operatsııalardy júrgizý týraly kelisim jobasyn maquldady.

Ekonomıkalyq damý jáne saýda mınıstri Janar Aıtjanovanyń sózine qaraǵanda, «Qazaqstan Rspýblıkasynyń halyqaralyq sharttary týraly» Zańnyń 11-shi babyna sáıkes, Qazaqstan men Reseı arasyndaǵy Kedendik odaqty qurý aıasyndaǵy halyqaralyq sharttardy qoldaný týraly shart ratıfıkatsııalaýǵa jatady. «Qazaqstan men Reseı arasyndaǵy Kedendik odaqty qurý aıasyndaǵy halyqaralyq sharttardy qoldaný jónindegi shartty ratıfıkatsııalaý týraly» Qazaqstan Úkimetiniń tıisti qaýlysynyń jobasy eskertýsiz kelisildi.

«2010 jylǵy mamyrdyń 28-de Sant-Peterbor qalasynda Úkimet basshylary deńgeıinde ótken kezdesýdiń barysynda Reseı men Qazaqstan arasyndaǵy Kedendik odaqty qurý aıasyndaǵy halyqaralyq kelisimderdi qoldaný týraly kelisimge qol qoıyldy. Birinshiden, atalǵan kelisimge sáıkes, 2010 jylǵy shildeniń 1-nen bastap Qazaqstan men Reseı arasyndaǵy Kedendik odaqtyń Kedendik kodeksi men ony iske asyrýǵa baǵyttalǵan basqa kelisimder kúshine enedi. Biryńǵaı kedendik aımaq ázirge Qazaqstan men Reseı arasynda qalyptasyp, osy memleketter arasyndaǵy ózara saýdada taýarlar kedendik rásimdeý amaldarynan alynyp tastalynady. Ekinshiden, endi Kedendik odaq komıssııasynyń barlyq sheshimderi tek qana konsensýspen qabyldanatyn bolady. Buǵan deıin konsensýstyq sheshim tek Memleket basshylarynyń deńgeıindegi jıyndarda qabyldanǵan bolatyn. Úshinshiden, Biryńǵaı kedendik aımaqty eki eldiń arasynda qurý ımporttyq kedendik bajdy bólý normatıvterin qaıta qaraýǵa ákeldi. Nátıjesinde endi Qazaqstannyń úlesi ımporttyq kedendik bajdyń jalpy mólsheriniń 7,69 paıyzyn quraıtyn bolady. Kelisimge sáıkes, Qazaqstan men Reseı 2010 jylǵy shildeniń 15-ne deıin ishki naryqty qorǵaý sharalaryn qoldaný salasyn retteıtin halyqaralyq kelisimge qol qoıady», dedi J. Aıtjanova.