Úkimet «Qazposhtanyń» aýyldardaǵy ámbebap qyzmetterin sýbsıdııalaıdy
ASTANA. QazAqparat - Úkimet «Qazposhta»-nyń aýyldyq jerlerdegi ámbebap qyzmetterin sýbsıdııalaý týraly sheshim qabyldady. Bundaı usynysty senatorlar kótergen bolatyn.
Bul týraly búgin Senattyń Ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysynda Investıtsııalar jáne damý vıtse-mınıstri Sáken Sársenov málim etti. Komıtette «QR keıbir zańnamalyq aktilerine poshta máselesi boıynsha ózgerister men tolyqtyrýlar engizý týraly» zań jobasy ekinshi oqylymda talqylanǵan bolatyn.
«Úkimet poshtanyń ámbebap qyzmetterin aýyldyq jerlerde sýbsıdııalaý týraly usynysty qoldady. Sonymen qatar, respýblıkalyq bıýdjet komıssııasynyń otyrysynda poshtalyq ámbebap qyzmetterdi kórsetý barysynda oryn alatyn shyǵyndardy jabý úshin bıýdjetten 1,7 mlrd teńge bólý týraly oń qorytyndy shyǵaryldy», - dedi vıtse-mınıstr.
Eske salaıyq, atalǵan usynysty zań jobasyn talqylaý barysynda senetorlar jasaǵan bolatyn. Bul rette depýtattar shalǵaıdaǵy aýyldyq jerlerde poshta qyzmeti naryǵynyń jalǵyz qatysýshysy «Qazposhta» Ulttyq operatory ekenin alǵa tartqan edi.
Aıta keterligi, Senat buǵan deıin «Poshta týraly» QR Zańyn qabyldady.
