Úkimet qazaqstandyq qamtýdy arttyrýǵa asa nazar aýdarýda
«Ózderińizge belgili, jyl basynda Úkimet músheleriniń basshylyǵymen barlyq óńirlerde jergilikti qamtýdy arttyrý boıynsha memorandýmdarǵa qol qoıylǵan kóshpeli májilister ótti. Óńirler men júıe quraıtyn kásiporyndar, Ulttyq kásipkerler palatasy óńdeýshi ónerkásiptiń barlyq salalary boıynsha taldaý jasap, monıtorıng júrgizdi. Apta saıyn biz arnaıy shtabtyń otyrysynda árbir naqty óńirdiń jáne kásiporyndardyń problemalaryn qarastyramyz. Jumys tıimdiligin arttyrý úshin qajetti sharalar men sheshý joldaryn jan-jaqty talqylaımyz. Ákimdikter, ulttyq kompanııalar, júıe quraıtyn iri kásiporyndar arasyndaǵy memorandýmdar boıynsha jumystyń oryndalýyn aıqyn baqylaımyz», - dedi ol.
Onyń atap ótýinshe, osynyń barlyǵy otandyq kásiporyndardy qoldaýǵa jáne jumys oryndaryn saqtaýǵa baǵyttalǵan. Sońǵy derekter boıynsha, paıyzdyq kórsetkishtermen jasalǵan barlyq memorandýmdardyń 56,6 paıyzyn quraıtyn, somasy 700 mlrd teńgeden asatyn 3,5 myń jarymnan astam shart jasalǵan. 1,4 trln teńgeniń 800-den astam memorandýmyna qol qoıylǵan. Áleýmettik memorandýmdar boıynsha, ákimdikter men ulttyq kompanııalar, júıe quraıtyn iri kompanııalar arasynda 300 myńnan astam jumys oryndary saqtaldy.
«Osy sharalardyń barlyǵy eldiń ındýstrııalyq damý aıasynda jergilikti qamtýdy arttyrý boıynsha bastalǵan saıasattyń jalǵasy bolyp tabylady. Baǵdarlamanyń basym mindetterin eske salsam, ol - jańa jumys oryndaryn ashý arqyly azamattardyń áleýmettik deńgeıin arttyrý, jergilikti ónimniń básekege qabilettiligin arttyrý, bútindeı bir salanyń ınvesttsııalyq tartymdylyǵyn arttyrý. Eger 2010-2014 jyldardaǵy taýarlar, jumystar men kórsetilgen qyzmetterdi, satyp alýdy salystyratyn bolsaq, ósim 2 trln. 492 mlrd. teńgeni qurady. Jergilikti qamtýdyń úlesi 15 paıyzǵa ósti. Taýarlar men jumystardaǵy, kórsetilgen qyzmettegi jergilikti qamtý úlesi 63,2 paıyzdy qurady», - dedi A.Erjanov.
