Úkimet Qazaqstan sportshylarynyń London Olımpıadasyna daıyndyǵyna qosymsha 1 mlrd. teńge bóledi
ASTANA. 10 mamyr. QazAqparat - QR Úkimeti Qazaqstan sportshylarynyń London Olımpıadasyna daıyndyǵy úshin qosymsha 1 mlrd. teńgege jýyq qarjy bóledi.
Bul týraly búgin ótken baspasóz máslıhatynda QR Sport jáne dene shynyqtyrý isteri agenttiginiń tóraǵasy Talǵat Ermegııaev málim etti.
«Sońǵy otyrys Premer-Mınıstrde boldy. Bul másele protokolǵa tirkelip alyndy. Endi agenttik «Samuryq-Qazyna» qorymen qazirdiń ózinde naqty qarajat somasyn talqylaýda jáne atalmysh soma bólinetin bolady. Bul máselede Úkimet bizdi qoldady», - dedi T. Ermegııaev.
Onyń aıtýynsha, atalmysh soma sport jabdyqtaryna, sportshylardyń oqý-jattyǵý jıyndaryna, sonymen qatar London tórinde qurylatyn «Qazaq aýyly» týrıstik-nasıhattyq jobasyna jumsalmaq.
Eske sala keteıik, 17 sáýir kúni ótken Úkimet otyrysynda QR Sport jáne dene shynyqtyrý isteri jónindegi agenttiktiń tóraǵasy T. Ermegııaev Mınıstrler kabınetinen London Olımpıadasyna sportshylardy daıyndaýǵa qosymsha 997 mln. teńge suraǵan bolatyn.
