Úkimet Qazaqstan Respýblıkasyn gazdandyrýdyń bas syzbasyn maquldady

ASTANA. QazAqparat - Úkimet 2015-2030 jyldarǵa arnalǵan Qazaqstan Respýblıkasyn gazdandyrýdyń bas syzbasyn maquldady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Munaı jáne gaz mınıstri Uzaqbaı Qarabalın málim etti.

«Bizdiń esepteýlerimiz boıynsha, búgingi tańda qajetti ınvestıtsııa kólemi shamamen 656 mlrd. teńgeni quraıdy. Investıtsııa kózi bir taraptan dástúrli respýblıkalyq bıýdjet bolyp sanalady. Kelesi taraptan óńirler bıýdjeti, sondaı-aq memlekettik-jeke seriktestik jobalar men jeke ınvestıtsııalardan da qarjy quıylady. Osylaısha bul bas syzba Úkimet tarapynan maquldandy», - dedi ol.

Mınıstrdiń atap ótýinshe, bas syzbaǵa sáıkes 2030 jylǵa qaraı elimizdiń 13 oblysy tolyǵymen gazben qamtylyp, respýblıka turǵyndarynyń 56 paıyzy kógildir otynǵa qol jetkizetin bolady.