Úkimet «Qazaqfılmge» gollıvýdtyq ınvestor tartýǵa úmitti
ASTANA. QazAqparat - QR Úkimeti Qazaqfılmge gollıvýdtyq ınvestor tartýǵa úmitti. Mundaı pikirdi búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte el Premer-Mınıstriniń birinshi orynbasary Baqytjan Saǵyntaev málim etti.
«Qazaqfılmge» qatysty BAQ ókilderiniń saýalyna oraı ol Úkimettiń kınostýdııany tolyǵymen satpaıtyndyǵyn jáne onyń qyzmetin saqtap qalýǵa nıetti ekendigin basa atap ótti.
«Biz «Qazaqfılmdi» tolyǵymen sataıyq dep otyrǵan joqpyz. Mindet mynadaı - beıinin saqtap qalý. Biz jyl saıyn túrli fılmder túsirýge shamamen 5 mlrd. teńge bólemiz. Bul múmkin múldem az shyǵar. Ol jaqta sapaly fılmderdiń túsirilgenin qalaımyz. Bizdiń fılmderimizdi basqa da elderge kórsetkimiz keledi. Bizderge ınvestorlar kelýi múmkin. Kim biledi, múmkin Gollıvýdtan qandaı da bir kompanııa kelip qalar. Sondyqtan másele sol kúıinde qala beredi. Strategııalyq ınvestorǵa 49 paıyz aktsııany satyp usynylady», - dedi B.Saǵyntaev.
Onyń sózine qaraǵandaı, mundaı ádis basqa da mádenıet nysandaryna qatysty qoldanylýy tıis.
