ÚKІMET QAIDA QARAP OTYR: Mınıstrlik kóleńkeli ekonomıkamen tıimsiz kúresýde - M.Bashımov

ASTANA. 2 qarasha. QazAqparat - Mınıstrlik kóleńkeli ekonomıkamen tıimsiz kúresýde. Mundaı pikirdi búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte zań ǵylymynyń doktory, sarapshy Marat Bashımov bildirdi.

Bul rette ol mysal retinde eseptelinbegen munaıdyń kólemi kóp ekendigin alǵa tartty. Sonymen qatar M.Bashımov qarjy polıtsııasynyń jumys júrgizip jatqandyǵyn, biraq olardyń jasalǵan qylmystardy tergeýmen ǵana aınalysyp, zańsyz munaı jetkizilmderiniń jolyn kesýge baǵyttalǵan jumystardy jolǵa qoımaı otyrǵandyǵyn basa aıtty.

Esterińizge sala keteıik, 2013 jyldyń 11 qazanynda ótken Úkimettiń keńeıtilgen otyrysynda Elbasy N.Nazarbaev kóleńkeli ekonomıkany tómendetý baǵytyndaǵy sharalardy kúsheıtýdi tapsyrǵan bolatyn. «Premer-Mınıstrge kóleńkeli ekonomıka kólemin tómendetý boıynsha jumystardyń barysy týraly maǵan turaqty túrde baıandap otyrýdy tapsyramyn», - degen edi Memleket basshysy.