ÚKІMET QAIDA QARAP OTYR: Ákimder júrip ótetin kóshelerdi jaýyp tastaý - baryp turǵan zańsyzdyq - M. Bashımov
ASTANA. 2 qarasha. QazAqparat - Ákimder júrip ótetin kóshelerdi jaýyp tastaý - baryp turǵan zańsyzdyq. Mundaı pikirdi búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte zań ǵylymynyń doktory, sarapshy Marat Bashımov bildirdi.
«Keıde qalada qozǵalysqa shekteý qoıylatyndyǵy týrasynda estip qalasyń. Ákim ótetin bolsa, basqalar úshin joldy ne úshin jaýyp tastaýy kerek? Tipti, Memleket basshysy mundaıǵa barmaıdy. Prezıdent ekskortynyń ótýi 1 mınýttyq is, boldy. Al ákim kele jatyr dep 30 mınýtqa deıin jaýyp tastaıdy. Keshirińizder, bul degenińiz barlyq zańdardy tikeleı buzý. Tipti ákimge ekskortpen júrýge bolmaıdy», - dedi M.Bashımov. Onyń atap ótýinshe, qala kóshelerin negizsiz jaýyp tastaý azamattar úshin qolaısyzdyq týyndatýymen qatar keıde jol-kólik oqıǵasynyń oryn alýyna da sebep bolyp jatady. Esterińizge sala keteıik, 2013 jyldyń 11 qazanynda ótken Úkimettiń keńeıtilgen otyrysynda Elbasy N.Nazarbaev Qazaqstan jol-kólik oqıǵasy sany boıynsha álemde 2-shi orynda turǵanyn aıtyp, jol polıtsııasy qyzmetin synǵa alǵan bolatyn.
