Úkimet qaýlysymen jekemenshik avtomektepter jabylýda
ASTANA. 8 qańtar. QazAqparat - Ózbekstanda respýblıka úkimetiniń qaýlysyna sáıkes jekemenshik avtomektepter jabylyp jatyr, dep habarlaıdy Associated Press aqparat agenttigi.
Qujatqa sáıkes, azamattardy kólik júrgizýge, ony paıdalanýǵa jáne jolda júrý erejelerin oqytýmen qorǵanys mınıstrliginiń «Vatanparvar» bólimsheleri aınalysady.
Ózbekstannyń qorǵanysyna qoldaý kórsetýshi «Vatanparvar» («Patrıot») uıymy 1992 jyly keńestik DOSAAF-tyń negizinde qurylǵan.
Respýblıka ІІM mamandarynyń baǵalaýynsha, jekemenshik avtomektepterdiń júrgizýshilerdi daıyndaý deńgeıi tómen jáne birqatar tehnıkalyq talaptarǵa jaýap bermegen.
