Úkimet qaýlysymen jazasyn óteýshi adamdardy qadaǵalaýda paıdalanylatyn elektrondyq baqylaý quraldarynyń tizbesi bekitildi
ASTANA. 26 qyrkúıek. QazAqparat - QR Úkimetiniń qaýlysymen bas bostandyǵyn shekteý túrindegi jazasyn óteýshi adamdardy qadaǵalaýdy júzege asyrý kezinde paıdalanylatyn elektrondyq baqylaý quraldarynyń tizbesi bekitildi.
QazAqparat atalǵan qujattyń mátinin jarııalaıdy.
Qazaqstan Respýblıkasy Úkimetiniń qaýlysy №1061
2012 jylǵy 17 tamyz Astana, Úkimet Úıi
Bas bostandyǵyn shekteý túrindegi jazasyn óteýshi adamdardy qadaǵalaýdy júzege asyrý kezinde paıdalanylatyn elektrondyq baqylaý quraldarynyń tizbesin bekitý týraly
Qazaqstan Respýblıkasynyń 1997 jylǵy 13 jeltoqsandaǵy Qylmystyq-atqarý kodeksiniń 53-babynyń 1-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan bas bostandyǵyn shekteý túrindegi jazasyn óteýshi adamdardy qadaǵalaýdy júzege asyrý kezinde paıdalanylatyn elektrondyq baqylaý quraldarynyń tizbesi bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV.
Elektrondyq quraldardyń tizbesi baspasóz betterinde jarııalandy.
