Úkimet qaýlysymen «Tyńaıtqysh qaýipsizdigine qoıylatyn talaptardyń» tehnıkalyq reglamenti bekitildi
ASTANA. Maýsymnyń 3-i. QazAqparat - Úkimettiń 2010 jylǵy mamyrdyń 28-indegi №491 Qaýlysymen «Tyńaıtqysh qaýipsizdigine qoıylatyn talaptardyń» tehnıkalyq reglamenti bekitildi, dep habarlaıdy QazAqparat resmı buqaralyq aqparat quraldaryna silteme jasap.
«2004 jylǵy qarashanyń 9-yndaǵy «Tehnıkalyq retteý týraly» Qazaqstan Respýblıkasy Zańyn júzege asyrý maqsatynda QR Úkimeti usynylyp otyrǵan «Tyńaıtqysh qaýipsizdigine qoıylatyn talaptardyń» tehnıkalyq reglamentin bekitýdi qaýly etedi», delingen habarlamada.
Qaýly resmı jarııalanǵannan 12 aı ótkennen keıin kúshine enedi. Tehnıkalyq reglamenttiń tolyq mátini respýblıkalyq BAQ betterinde jarııalanady.
