Úkimet qaýlysymen fıltrli sıgaretterge eń tómen bólshek baǵa belgilendi
ASTANA. 12 qazan. QazAqparat - Qazaqstan Respýblıkasy Úkimetiniń 2013 jylǵy 11 qazandaǵy №1087 qaýlysymen «Fıltrli sıgaretterge eń tómen bólshek baǵa belgileý týraly» Qazaqstan Respýblıkasy Úkimetiniń 2007 jylǵy 4 sáýirdegi №260 qaýlysyna ózgerister engizildi.
***
Qazaqstan Respýblıkasy Úkimetiniń qaýlysy
«Fıltrli sıgaretterge eń tómen bólshek baǵa belgileý týraly» Qazaqstan Respýblıkasy Úkimetiniń 2007 jylǵy 4 sáýirdegi №260 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Fıltrli sıgaretterge eń tómen bólshek baǵa belgileý týraly» Qazaqstan Respýblıkasy Úkimetiniń 2007 jylǵy 4 sáýirdegi № 260 qaýlysyna (Qazaqstan Respýblıkasynyń PÚAJ-y, 2007 j., № 10, 116-qujat; 2010 j., № 25-26, 189-qujat; 2012 j., № 35, 466-qujat) mynadaı ózgeris engizilsin:
І-tarmaq mynadaı redaktsııada jazylsyn:
«1. 20 (jıyrma) fıltrli sıgaretke:
1) 2013 jylǵy 31 jeltoqsanǵa deıin bir júz otyz myń teńge mólsherinde;
2) 2014 jylǵy 1 qańtardan bastap bir júz elý teńge mólsherinde eń tómen bólshek baǵa belgilensin».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
