Úkimet qaýlysymen «Buırataý» Memlekettik ulttyq tabıǵı saıabaǵy quryldy
ASTANA. 17 naýryz. QazAqparat - Ortalyqazııalyq-qazaqstandyq usaq shoqylardyń biregeı ekologııalyq júıesin saqtaý maqsatynda QR Úkimetiniń 2011 jylǵy 11 naýryzdaǵy №247 qaýlysymen «Buırataý» Memlekettik ulttyq tabıǵı saıabaǵy quryldy.
Qazaqstandaǵy on ekinshi bolyp tabylatyn bul ulttyq saıabaqty Aýyl sharýashylyǵy mınıstrliginiń Orman jáne ań aýlaý sharýashylyǵy komıteti «Jasyl damý» qorynyń 2010-2014 jyldarǵa arnalǵan memlekettik baǵdarlamasynyń aıasynda jáne BUU Damý baǵdarlamasy Jahandyq ekologııalyq qordyń «Dala ekologııalyq júıesin saqtaý jáne turaqty basqarý» jobasynyń qoldaýymen qurylyp otyr.
«Buırataý» ulttyq saıabaǵy Aqmola oblysynyń Ereımentaý aýdanynyń aýmaǵynda 60 814 gektar jáne Qaraǵandy oblysynyń Osakarov aýdanynda 28 154 gektar jerdi alyp jatyr.
