Úkimet qaýlysymen Bilim jáne ǵylym mınıstrliginiń jekelegen memlekettik kásiporyndary qaıta uıymdastyryldy

QazAqparat qujattyń mátinin taratady.

Qazaqstan Respýblıkasy Úkimetiniń qaýlysy № 529

2013 jylǵy 29 mamyr, Astana, Úkimet Úıi

Qazaqstan Respýblıkasy Bilim jáne ǵylym mınıstrliginiń jekelegen respýblıkalyq memlekettik kásiporyndaryn qaıta uıymdastyrý týraly

«Memlekettik múlik týraly» 2011 jylǵy 1 naýryzdaǵy Qazaqstan Respýblıkasynyń Zańy 11-babynyń 4) tarmaqshasyna sáıkes Qazaqstan Respýblıkasynyń Úkimeti qaýly etedi:

1. Mynalar:

1) Qazaqstan Respýblıkasy Bilim jáne ǵylym mınıstrliginiń «Q. Jubanov atyndaǵy Aqtóbe memlekettik ýnıversıteti» sharýashylyq júrgizý quqyǵyndaǵy respýblıkalyq memlekettik kásiporny men Qazaqstan Respýblıkasy Bilim jáne ǵylym mınıstrliginiń «Aqtóbe memlekettik pedagogıkalyq ınstıtýty» sharýashylyq júrgizý quqyǵyndaǵy respýblıkalyq memlekettik kásiporny qosylý jolymen Qazaq­stan Respýblıkasy Bilim jáne ǵylym mınıstrliginiń «Q. Jubanov atyndaǵy Aqtóbe óńirlik memlekettik ýnıversıteti» sharýashylyq júrgizý quqyǵyndaǵy respýblıkalyq memlekettik kásiporny bolyp;

2) Qazaqstan Respýblıkasy Bilim jáne ǵylym mınıstrliginiń «Shákárim atyndaǵy Semeı memlekettik ýnıversıteti» sharýashylyq júrgizý quqyǵyndaǵy respýblıkalyq memlekettik kásiporny men Qazaqstan Respýblıkasy Bilim jáne ǵylym mınıstrliginiń «Semeı memlekettik pedagogıkalyq ınstıtýty» sharýashylyq júrgizý quqyǵyndaǵy respýblıkalyq memlekettik kásiporny qosylý jolymen Qazaqstan Respýblıkasy Bilim jáne ǵylym mınıstrliginiń «Semeı qalasynyń Shákárim atyndaǵy memlekettik ýnıversıteti» sharýashylyq júrgizý quqyǵyndaǵy respýblıkalyq memlekettik kásiporny bolyp qaıta uıymdastyrylsyn.

2. Mynalar:

1) Qazaqstan Respýblıkasy Bilim jáne ǵylym mınıstrligi kásiporyndarǵa qatysty tıisti salany basqarý jónindegi ýákiletti organ;

2) joǵary jáne joǵary oqý ornynan keıingi bilim berý salasyndaǵy, sondaı-aq ǵylymı zertteýler salasyndaǵy qyzmetti júzege asyrý kásiporyndar qyzmetiniń negizgi máni bolyp aıqyndalsyn.

3. Qazaqstan Respýblıkasy Bilim jáne ǵylym mınıstrligi Qazaqstan Respýblıkasynyń zańnamasynda belgilengen tártippen:

1) Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıtetine kásiporyndar jarǵylaryn bekitýge usynýdy;

2) kásiporyndardy ádilet organdarynda memlekettik tirkeýdi;

3) osy qaýlydan týyndaıtyn ózge de sharalardy qabyldaýdy qamtamasyz etsin.

4) Qosa berilip otyrǵan Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar bekitilsin.

5) Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń Premer-Mınıstri S.AHMETOV.

Qosymshalar mátini respýblıkalyq BAQ-tarda jarııalandy