Úkimet qaýlysymen áleýmettik-ekonomıkalyq damý deńgeıi tómen eldi mekenderde ınvestıtsııalyq strategııalyq jobalardy iske asyratyn zańdy tulǵalarǵa jeńildikter berý qaǵıdalary bekitildi

QazAqparat osy qujattyń mátinin taratady.


Qazaqstan Respýblıkasy Úkimetiniń qaýlysy

Áleýmettik-ekonomıkalyq damý deńgeıi tómen eldi mekenderde ınvestıtsııalyq strategııalyq jobalardy iske asyratyn zańdy tulǵalar úshin ónerkásiptik jeńildikter berý qaǵıdalaryn bekitý týraly

«Investıtsııalar týraly» 2003 jylǵy 8 qańtardaǵy Qazaqstan Respýblıkasy Zańynyń 18-2-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:

1. Qosa berilip otyrǵan Áleýmettik-ekonomıkalyq damý deńgeıi tómen eldi mekenderde ınvestıtsııalyq strategııalyq jobalardy iske asyratyn zańdy tulǵalar úshin ónerkásiptik jeńildikter berý qaǵıdalary bekitilsin.

2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri S.AHMETOV.

Qazaqstan Respýblıkasy Úkimetiniń 2013 jylǵy 30 qańtardaǵy №61 qaýlysymen bekitilgen

Áleýmettik-ekonomıkalyq damý deńgeıi tómen eldi mekenderde ınvestıtsııalyq strategııalyq jobalardy iske asyratyn zańdy tulǵalar úshin ónerkásiptik jeńildikter berý qaǵıdalary

1. Jalpy erejeler

1. Osy Áleýmettik-ekonomıkalyq damý deńgeıi tómen eldi mekenderde ınvestıtsııalyq strategııalyq jobalardy iske asyratyn zańdy tulǵalarǵa ónerkásiptik jeńildikter berý qaǵıdalary (budan ári - Qaǵıdalar) «Investıtsııalar týraly» 2003 jylǵy 8 qańtardaǵy Qazaqstan Respýblıkasy Zańynyń (budan ári - Zań) 18-2-babynyń 2-tarmaǵyna sáıkes ázirlendi jáne áleýmettik-ekonomıkalyq damý deńgeıi tómen eldi mekenderde ınvestıtsııalyq strategııalyq jobalardy iske asyratyn zańdy tulǵalar úshin ónerkásiptik jeńildikterdi berý tártibin aıqyndaıdy.

2. Osy Qaǵıdalarda qoldanylatyn termınder men anyqtamalar:

1) ınvestıtsııalyq strategııalyq joba - Qazaqstan Respýblıkasynyń Úkimeti aıqyndaıtyn tizbege enetin jáne Qazaqstan Respýblıkasynyń ekonomıkalyq damýyna strategııalyq yqpal etýge qabiletti ınvestıtsııalyq joba;

2) áleýmettik-ekonomıkalyq damý deńgeıi tómen eldi meken - Qazaqstan Respýblıkasy Úkimetiniń 2012 jylǵy 10 mamyrdaǵy № 601 qaýlysymen bekitilgen Qazaqstan Respýblıkasynyń áleýmettik-ekonomıkalyq damý deńgeıi tómen eldi mekender tizbesine kiretin eldi meken;

3) ónerkásiptik jeńildikter - belgili bir merzimdiligimen óteýsiz negizde 7 (jeti) jyldan aspaıtyn merzimge beriletin, bıýdjettik qarajat esebinen júzege asyrylatyn barlyq ınvestıtsııalyq strategııalyq jobany paıdalanýǵa engizgennen keıin ınvestıtsııalyq strategııalyq joba boıynsha ınvestor shyǵyndarynyń bir bóligin óteý túrindegi memlekettik qarjylyq qoldaý túri;

4) ınvestor - Qazaqstan Respýblıkasynda ınvestıtsııalardy júzege asyratyn zańdy tulǵa, onyń ishinde sheteldik qatysýy bar zańdy tulǵa;

5) ýákiletti organ - Qazaqstan Respýblıkasynyń Úkimeti aıqyndaıtyn, ınvestıtsııalyq kelisimsharttardy jasasý jáne olardyń oryndalýyn baqylaý jónindegi memlekettik organ;

6) komıssııa - múddeli memlekettik organdardyń qatysýymen strategııalyq ınvestıtsııalyq jobalar úshin ınvestıtsııalyq preferentsııalardy berýge ótinimderdi qaraý jónindegi konsýltatıvtik-keńesshi organ (budan ári - Komıssııa).

Komıssııa quramy men onyń jumys tártibi kórsetiletin ýákiletti organnyń sheshimimen qurylady.

3. Investordyń mynadaı shyǵyndarynyń bir bóligi óteýge nemese tóleýge jatady:

1) gaz;

2) elektr energııasy;

3) jer ýchaskesin satyp alý;

4) ǵımarattardy, qurylystardy satyp alý (salý).

4. Ónerkásiptik jeńildikter ótinim berýshige ınvestıtsııalyq strategııalyq joba mynadaı:

áleýmettik-ekonomıkalyq damý deńgeıi tómen eldi mekende iske asyrylǵan;

Qazaqstan Respýblıkasynyń Úkimeti bekitetin ınvestıtsııalyq strategııalyq jobalar tizbesi engizilgen jaǵdaılarda beriledi.

2. Ónerkásiptik jeńildikterdi berý tártibi

5. Ónerkásiptik jeńildikterdi alý maqsatynda ınvestor mynalardy qosa bere otyryp, ýákiletti organ belgilegen nysan boıynsha ótinimmen ýákiletti organǵa júginedi:

1) basshynyń qolymen jáne zańdy tulǵanyń mórimen kýálandyrylǵan, zańdy tulǵany memlekettik tirkeý týraly kýáliktiń kóshirmesi;

2) basshynyń qolymen jáne zańdy tulǵanyń mórimen kýálandyrylǵan, zańdy tulǵa jarǵysynyń kóshirmesi;

3) ýákiletti organ belgileıtin talaptarǵa sáıkes jasalǵan ınvestıtsııalyq strategııalyq jobanyń bıznes-jospary;

4) ınvestıtsııalyq strategııalyq jobany iske asyrý kezinde paıdalanylatyn gazdy, elektr energııasyn, jer ýchaskesin satyp alýǵa, ǵımarttardy, qurylystardy satyp alýǵa (salýǵa) arnalǵan shyǵyndardyń smetalyq qunyn negizdeıtin, ár betine qol qoıylǵan, tigilgen, nómirlengen jáne basshynyń qolymen jáne zańdy tulǵanyń mórimen kýálandyrylǵan qujattardyń kóshirmeleri;

5) basshynyń qolymen jáne zańdy tulǵanyń mórimen kýálandyrylǵan, ınvestıtsııalyq strate­gııalyq jobany iske asyrý kezinde paıdalanylatyn qurylys-montajdaý jumystarynyń smetalyq qunyn jáne tirkelgen aktıvterdi satyp alýǵa arnalǵan shyǵyndardy negizdeıtin qujattardyń kóshirmeleri;

6) basshynyń qolymen jáne zańdy tulǵanyń mórimen kýálandyrylǵan, ınvestıtsııalyq strategııalyq jobany qarjylandyrý kózderin jáne kepildikterin belgileıtin qujattardyń kóshirmeleri. Investıtsııalyq strategııalyq joba menshikti qarajatynan qarjylandyrylǵan jaǵdaıda, olardyń bolýy týraly jazbasha rastaý qosa beriledi;

7) salyq bereshekteriniń, mindetti zeınetaqy jarnalary men áleýmettik aýdarymdar boıynsha bereshekteriniń bolmaýy týraly tirkeý orny boıynsha salyq organynan anyqtamalar.

Ýákiletti organnyń ótinimdi qaraý jáne ınvestorǵa ónerkásiptik jeńildikter berý týraly sheshim qabyldaý merzimi ótinimdi tirkeý sátinen bastap 20 jumys kúnin quraıdy.

6. Ýákiletti organ osy Qaǵıdalardyń 5-tarmaǵynda kórsetilgen, usynylǵan qujattar túsken kúnnen bastap 7 jumys kúni ishinde olardyń tolyqtyǵyn jáne durystyǵyn qaraıdy jáne osy Qaǵıdalardyń 5-tarmaǵynyń talaptaryna sáıkes keletin ótinimdi tirkeıdi nemese olar sáıkes bolmaǵan jaǵdaıda tirkeýden bas tartady.

Usynylǵan qujattar belgilengen talaptarǵa sáıkes kelmegen jaǵdaıda, ýákiletti organ qaıtarý sebebin jazbasha negizdeı otyryp, olardy ınvestorǵa qaıtarady.

Usynylǵan qujattar belgilengen talaptarǵa sáıkes kelgen jaǵdaıda, Qazaqstan Respýblıkasy Úkimetiniń 2003 jylǵy 8 mamyrdaǵy № 436 qaýlysymen bekitilgen Investıtsııalardy memlekettik qoldaý salasyndaǵy ýákiletti organnyń memlekettik organdardyń mamandaryn, konsýltanttar men sarapshylardy tartý erejesine sáıkes ınvestor suratatyn ónerkásiptik jeńildikteriń tizbe men kólemine (paıyzdyq qatynasta) saraptama júrgizý (budan ári - saraptama) úshin olardy tıisti memlekettik organdardyń tartylǵan mamandaryna jáne Qazaqstan Respýblıkasynyń jeke jáne zańdy tulǵalar ishinen konsýltattar men sarapshylarǵa jiberedi.

Saraptama saraptamalyq qorytyndyny resimdeı otyryp, qujattar alynǵan sátten bastap 7 jumys kúni ishinde júrgiziledi.

Saraptama nátıjelerin alǵannan keıin ýákiletti organ qujattar men saraptamalyq qorytyndy qosa berilgen ótinimdi Komıssııanyń qaraýyna shyǵarady.

7. Komıssııa ótinimdi, oǵan qosa berilip otyrǵan qujattar men saraptamalyq qorytyndyny qaraıdy jáne eki jumys kúni ishinde ony hattamaǵa engize otyryp, sheshim qabyldaıdy.

Ýákiletti organ Komıssııa hattamasynyń negizinde eki jumys kúni ishinde ınvestorǵa ónerkásiptik jeńildikterdi berý nemese berýden bas tartý týraly sheshim qabyldaıdy.

Ýákiletti organ oń sheshim qabyldaǵan kezde, onda beriletin ónerkásiptik jeńildikterdiń tizbesi men kólemi (paıyzdyq qatynasta) kórsetiledi, bul rette ýákiletti organ ınvestorǵa eki jumys kúni ishinde qabyldanǵan sheshim týraly jazbasha túrdegi habarlamany jiberedi.

Investorǵa ónerkásiptik jeńildikter berý týraly ýákiletti organnyń teris sheshimi kezinde ýákiletti organ eki jumys kúni ishinde ınvestorǵa sebebin negizdeı otyryp, bas tartýdy jazbasha túrde jiberedi.

Investorǵa ónerkásiptik jeńildikterdi berýden bas tartý negizdemesi ınvestordyń osy Qaǵıdalardyń 4-tarmaǵynyń talaptaryna sáıkes kelmeýi jáne teris saraptamalyq qorytyndy bolyp tabylady.

8. Ýákiletti organ ınvestorǵa ónerkásiptik jeńildikterdi berý týraly sheshim qabyldaǵan kúnnen bastap on jumys kúni ishinde ınvestıtsııalyq preferentsııalardy kózdeıtin ınvestıtsııalardy júzege asyrýǵa úlgilik kelisimshart erejelerin eskere otyryp, qol qoıý úshin ınvestıtsııalyq kelisimshartty daıyndaıdy.

Daıyndalǵan ınvestıtsııalyq kelisimshart jobasy eki kúndik merzimde ınvestorǵa qol qoıý úshin jiberiledi.

Investıtsııalyq kelisimshartty ýákiletti organ taraptar qol qoıǵan kúnnen bastap bes jumys kúni ishinde tirkeıdi.

9. Investorǵa osy Qaǵıdalardyń 3-tarmaǵynda kórsetilgen shyǵyndardyń 50 % (elý paıyzy) deıin jáne jalpy somada ınvestıtsııalyq kelisimshart boıynsha ınvestıtsııalyq strategııalyq jobadaǵy ınvestıtsııalardyń 20 % (jıyrma paıyzdan) aspaıtyn kólemde óteledi.

Óteletin shyǵyndardyń somasyna janama salyqtardyń somasy (qosymsha qun salyǵy jáne aktsızder) qosylmaıdy.

Osy Qaǵıdalardyń 3-tarmaǵynyń 3) tarmaqshasynda kórsetilgen ınvestordyń shyǵyndaryn óteý nemese tóleý kadastrlyq quny boıynsha júzege asyrylady.

10. Investordyń shyǵyndaryn óteý nemese tóleý osy Qaǵıdalardyń 3-tarmaǵynda kórsetilgen, iske asyrylyp jatqan ınvestıtsııalyq strategııalyq joba sheńberinde shyǵyndardy rastaıtyn, basshynyń qolymen jáne ınvestordyń mórimen kýálandyrylǵan qujattardyń kóshirmelerin ınves­tor usynǵannan keıin ónerkásiptik jeńildikter berý merzimniń ishinde jáne bıýdjettik ótinimdi berý jylynan keıingi qarjy jylynan keshiktirilmeı jylyna bir ret júrgiziledi.

11. Osy Qaǵıdalardyń 3-tarmaǵynda kórsetilgen, iske asyrylyp jatqan ınvestıtsııalyq strategııalyq joba sheńberinde shyǵyndardy rastaıtyn, basshynyń qolymen jáne ınvestordyń mórimen kýálandyrylǵan, qujattardyń kóshirmeleri shyǵyndar óteletin jyldyń aldyndaǵy, aǵymdaǵy jyldyń 1 sáýirinen keshiktirilmeı beriledi.

12. Ýákiletti organ usynylǵan qujattardyń negizinde ınvestordyń shyǵyndaryn óteý jylynyń aldyndaǵy, jyldyń 1 sáýirinen bastap jáne 15 mamyrynan keshiktirmeı bıýdjettik ótinimdi qalyptastyrady, bıýdjettik ótinimdi bıýdjettik josparlaý boıynsha ýákiletti organǵa jiberedi.

13. Óteletin shyǵyndardyń somasy Qazaqstan Respýblıkasynyń bıýdjettik zańnamasyna sáıkes jasalǵan ınvestıtsııalyq kelisimshart negizinde ınvestordyń shotyna aýdarylady.