Úkimet qaýipsiz eńbek jaǵdaılaryn qamtamasyz etýdiń is-qımyl josparyn bekitti

NUR-SULTAN. QazAqparat – Búgin Úkimet otyrysynda Qaýipsiz eńbek jaǵdaılaryn qamtamasyz etýdiń 2025 jylǵa deıingi is-qımyl josparyn bekitý týraly qaýly qabyldandy, dep habarlaıdy QazAqparat tilshisi.

«Búgin biz Qaýipsiz eńbek jaǵdaılaryn qamtamasyz etýdiń 2025 jylǵa deıingi is-qımyl josparyn bekitý týraly qaýly qabyldaımyz. Ony iske asyrý nátıjesinde jazataıym oqıǵalardyń jıiligi koeffıtsıentiniń azaıýy, zııandy eńbek jaǵdaılarynda jumys isteıtin jumysshylar úlesiniń azaıýy kútiledi», - dedi Asqar Mamın.

Úkimet basshysynyń atap ótýinshe, qazirdiń ózinde Qostanaı jáne Pavlodar oblystarynda óndiristik jaraqattaný deńgeıiniń azaıýy boıynsha oń dınamıka baıqalyp otyr.

«Basqa óńirler osy baǵyttaǵy jumysty jandandyrýy tıis. Taý-ken metallýrgııa keshenderi men qurylys salasyndaǵy kásiporyndarda erekshe kóńil bólý qajet», - dedi Premer-Mınıstr Asqar Mamın .