Úkimet kásipkerlerdiń nesıe tólemderin 1 qazanǵa deıin shegerý múmkindigin usynbaq
NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda kásipkerlerdiń nesıe tólemderin 1 qazanǵa deıin shegerý múmkindigi týraly aıtyldy, dep habarlaıdy QazAqparat.
Eń kóp zardap shekken salalardaǵy shaǵyn jáne orta sýbektilerine memlekettik qoldaý sharasy retinde nesıe tólemderin osy jyldyń 1 qazanyna deıingi merzimge keıinge qaldyrý múmkindigi usynylady.
Premer-Mınıstr bıznes sýbektileriniń qyzmetine qoıylatyn sanıtarlyq-epıdemıologııalyq talaptardy bekitýdi, sondaı-aq azamattar men kásipkerlik sýbektileriniń sanıtarlyq erejelerdi saqtaýyna tıisti baqylaý jasaýdy tapsyrdy.
QR Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda QR Prezıdenti Qasym-Jomart Toqaevtyń karantındik sharalardy uzartý jáne karantınnen keıingi kezeńge daıyndyq jónindegi tapsyrmasynyń oryndalý máseleleri qaraldy.
Aıta ketsek, Qazaqstanda shilde aıynyń ortasynda eki aptaǵa sozylatyn karantın engizilgen bolatyn. Keshe Memleket basshysy Qasym-Jomart Toqaev epıdemıologııalyq ahýaldy turaqtandyrý jóninde keńes ótkizip, karantın sharalaryn taǵy eki aptaǵa uzartýdy tapsyrǵan edi.
