Úkimet ІJÓ ósimin 0,5 paıyzdyq mejeden asyrýdy josparlaýda
ASTANA. QazAqparat - QR Úkimeti ishki jalpy ónim ósimin 0,5 paıyzdyq mejeden asyrýdy josparlap otyr. Bul týraly búgin Úkimettiń selektorlyq rejımdegi otyrysynda Premer-Mınıstr Baqytjan Saǵyntaev málim etti, dep habarlaıdy QazAqparat.
«Kórip otyrǵanymyzdaı, 9 aıdyń qorytyndysynda ekonomıkalyq ósimniń oń tendentsııasy bar. Biz jyl sońyna deıin Memleket basshysynyń ósimdi 0,5 paıyz deńgeıinde qamtamasyz etý jónindegi tapsyrmasyn oryndaýǵa barlyq múmkinshilik bar. Bul rette bizdiń bul jospardy oryndaıtyndyǵymyzǵa esh kúmán joq. Bul rette ınflııatsııa dálizin 6-8 paıyzdyq mejede ustap turýǵa, saqtaýǵa jáne onymen jumys isteýge tıispiz. Birqatar túzetýler bolýy múmkin. Biraq, qalaı degende de tapsyrma júkteldi jáne ol oryndalýy tıis», - dedi Saǵyntaev.
Sonymen qatar Úkimet basshysy mashına jasaý, temir keni, qurylys salasynda birqatar problema bar ekendigin atap ótti.
«Memleket basshysynyń ortalyq organdarmen jáne ákimdiktermen birlese otyryp rezervtermen jumys isteýimiz qajettigi týraly tapsyrmasy bar. Biz olardy bilemiz. Sonymen qatar árbir kásiporynmen jeke jumys isteý kerek», - dedi ol.
