Úkimet: Halyqtan koronavırýsqa qatysty jalǵan aqparatqa senbeýdi suraımyz
NUR-SULTAN. QazAqparat – Úkimet basshysynyń orynbasary Eraly Toǵjanov koronavırýstyń elge kirip, taralýyna jol bermeý memlekettiń ǵana emes, árbir otbasynyń jaýapkershiligi ekenin málim etti, dep habarlaıdy QazAqparat tilshisi.
«Bul memlekettiń ǵana jaýapkershili emes, ár otbasynyń, ár memlekettik organnyń, jergilikti jerdegi uıymdardyń da ortaq jaýapkershiligi. Sondyqtan ony tolyqtaı sezinýimiz kerek. Keıingi kezde keıbir BAQ nemese áleýmettik jeliler arqyly shyndyqqa múlde sáıkes kelmeıtin aqparattardy baıqap otyrmyz. Syrttan kelgen aqparattarǵa senbeýlerińizdi barlyq azamattan suraımyz», - dedi Eraly Toǵjanov Úkimettiń baspasóz ortalyǵynda ótken brıfıng barysynda.
Úkimet basshysynyń orynbasary jalǵan aqparat taratqan adamdardyń zańǵa sáıkes jaýapkershilikke tartylatynyn eske saldy.
Eske sala ketsek buǵan deıin Eraly Toǵjanov Úkimet koronavırýsqa qatysty jaǵdaıdy baqylaýda ustap, tıisti sharalardy qabyldap jatqanyn aıtyp bergen edi.
Koronavırýsqa qatysty jalǵan aqparattardyń biri ótken demalys kúnderi Jambyl oblysynda taraǵan bolatyn.
