«Úkimet «halal» júıesin retteýge kiristi» - baspasózge sholý
***
«Egemen Qazaqstan» basylymynyń búgingi sanynda «Tańdaý pánderin qalaı tańdap júrmiz?» atty maqala berilgen. Jalpy bilim beretin mektepte barlyq pánder Bilim jáne ǵylym mınıstrligi bekitken standart boıynsha oqytylady. Sol arqyly jastar belgili dárejede bilim alady. Biraq UBT-ǵa joǵary deńgeıde daıyndyqpen qatysý, qalaǵan mamandyǵyna qol jetkizý úshin olar barlyq pándi oqı bermeıdi. Tek bolashaq mamandyǵyna qajet pánderdi ǵana jattap alýǵa tyrysady. Aıtalyq, qazirgi kezde bolashaq ekonomıst, programmıst, arhıtektor, ınjener mamandyǵyn alǵysy keletin úmitkerler úshin tańdaý páni geografııa belgilengen. «Oqýshylar 9-synyptan bastap osy pándi jan-jaqty oqıdy. ıAǵnı, olar dúnıejúzilik kartada kórsetilgenderdi, óz Otanymyzdyń geografııalyq aýqymyn tolyq jattap alýǵa tyrysady. Bul olardyń logıkalyq oılaýyna keri áser etpeı qoımaıdy. Jattap alǵan dúnıe adamnyń oıynda uzaq júrmeıdi. Ýaqyt óte kele umytylyp qalady», - deıdi Astana qalasy №51mektep-gımnazııasynyń joǵary sanatty muǵalimi Moldahan Sovethan.
Bas basylymda «Jańaózendikter qýanyshy» degen maqala basyldy. Merekeli de shýaqty mamyr aıy jańaózendikter úshin jańalyqtarmen bastaldy. Sol kúni saltanatpen ashylyp, qala sánine sán qosyp, halyqtyń ıgiligine qyzmet etetin nysandar qatarynda Neke saraıy da bar. Bul Jańaózen qalasynyń turǵyndary, ásirese úlken ómir tabaldyryǵynan qol ustasa attaǵan jastar jaǵy biraz jyldardan beri asyǵa kútken oryn bolatyn. Sońǵy jyldary damýyna aıryqsha mán berilip, arnaıy jospar-jobalar, baǵdarlamalar iske qosylǵan Jańaózende búginge deıin biraz nysandardyń tusaýy kesilgeni kópke aıan. Jańadan ashylǵan mektep, balabaqshalarda jas jetkinshekter bilim-tárbıe alyp jatsa, Teńge, Qyzylsaı aýyldarynda boı kótergen mádenıet úılerinde osy salanyń jumysy júrip jatyr. Jańarǵan shaǵyn dárigerlik pýnkt nemese kásibin bastaımyn deýshilerge qutty oryn bolǵan bıznes-ınkýbator, munaıshylarǵa arnalǵan qyzmettik ǵımarattar da sońǵy jyldardyń jańalyǵy.
***
«Aıqyn» basylymynyń jazýynsha, Qazaqstan 2017 jyly óz ǵaryshkerin ǵaryshqa attandyrýǵa talpynatyn bolady. Keshe Ulttyq ǵarysh agenttiginiń tóraǵasy Talǵat Musabaev aqparat quraldaryna osyndaı málimdeme jasady. «Biz óte salmaqty jáne naqty sharalar qabyldap jatyrmyz. Kelissóz úderisi júrýde. Ońdy ilgerileýshilikter baıqala bastady. Biz aldyn ala aıta alamyz: bul úderis 2017 jyly iske asýy múmkin»,- dedi «Qazǵarysh» basshysy. Buǵan deıin Qazaqstan eki ulanyn osy mıssııaǵa daıyndaǵan bolatyn. Alaıda olardyń aldynan kedergiler týdy. Onyń ústine olarǵa ǵarysh keńistiginde júkteletin jumystardyń aýqymy pysyqtalyp bitpedi. Nátıjesinde, ushpasa da, el aýzyndaǵy ekeýine «ǵaryshker» ataǵy taǵaıyndalǵan. Áıtkenmen, Toqtar men Talǵattan keıingi qazaqtyń naǵyz ǵaryshkeri kim bolatyndyǵy ázirge jarııalanbaýda. - Ol jaqqa bizdiń ǵaryshkerdi joldaý úshin barlyq qatysýshy elder ǵaryshkerlerdiń birin qazaqstandyqqa aýystyrýǵa ruqsat etýleri kerek. Bul - kúrdeli másele. Men sizderge aıtaıyn, endigi daıyn ǵaryshkerler men astronavtardyń kezegi kóptegen jyldarǵa sozylyp jatyr, - dedi T.Musabaev. Osy máseleni arqaý etken maqala «Qazaq ǵaryshkeri qashan ushady?» degen taqyryppen berilgen.
Osy basylymda «Úkimet «halal» júıesin retteýge kiristi» atty maqala jarııalanyp otyr. El Úkimeti Qazaqstanda «Halal» júıesin retteýge shyndap kirisetinge uqsaıdy. Prezıdent janyndaǵy Ortalyq kommýnıkatsııalar ortalyǵynda BAQ ókilderimen kezdesken Tutynýshylar quqyǵyn qorǵaý agenttiginiń tóraǵasy Bolatbek Qýandyqov ony reglamentteý nıetteri barlyǵyn málimdedi. Bul vedomstvo Qazaqstannyń iri qalalarynda qaptap ashylyp, qanatyn keń jaıyp jatqan «fast-fýd» oryndaryna da nazar aýdarýda: Agenttik basshysy qazaqstandyqtarǵa olardan qandaıda bir jónsizdikter tapsa, dereý ózderine júginýdi usyndy.
***
«Túrkistan» basylymynda «Aýyl poshtalary jabylmaıdy» degen maqala berilgen. Poshta qyzmetinde «nóldik shaqyrym» degen túsinik bar. Ol el ishindegi eldi mekenderdiń arasyn jalǵaıtyn poshtalyq baılanystyń sapasyn bildiredi. Sapalyq kórsetkishtiń deńgeıi keńistik shalǵaılyǵynyń múldem sezilmeýimen ólshener edi. Jalpy alǵanda, Qazaqstanda 6936 eldi meken bar eken, olardyń bárin poshtalyq baılanys jelilerimen baılanystyrý ońaı emes, árıne. Degenmen, poshta qyzmetimen halyqty tolyq qamtý - memlekettiń strategııalyq baǵyttarynyń biri. Elimizdegi poshta salasynda alda atqarylatyn sharalar jaıynda bilgińiz kelse, osy maqalany oqyp shyǵyńyz.
***
«Ekspress-K» gazetiniń búgingi sanynda «Pohvala pahlave» atty maqala kópshilik nazaryna usynylyp otyr. «Qazaqstan halal ındýstrııasy» qaýymdastyǵynyń tóraǵasy Marat Sársenbaev sheneýnikterge halal-qyzmetterdiń saıasatyn synǵa almaı, zańnamalyq bazany ázirleýde kúsh-jigerdi biriktirýdi usyndy. «Men Malaızııadaǵy sekildi memlekettik halal-ındýstrııa agenttigin qurý kerektigin atap ótkim keledi»,- deıdi Sársenbaev.
