Úkimet «Gaz jáne gazben jabdyqtaý týraly» QR Zańynyń jobasyn maquldady

Atalǵan jobany búgin Úkimettiń selektorlyq formatta ótken otyrysynda tanystyrǵan Munaı jáne gaz mınıstri Saýat Myńbaev: «Bizde baǵa saıasatyn úılestirý boıynsha belgili mindettemeler bar. Іshki naryqta gazdyń baǵasy birshama kóteriletindigi túsinikti. Degenmen ol Reseı Federatsııasyna qaraǵanda tómen bolady. Men bul oraıda eýropalyq naryq týrasynda aıtyp otyrǵanym joq. Gazdandyrý bas syzbasyna sáıkes gazdyń barlyq kólemi basymdyqpen ishki naryqqa jetkiziledi», - dedi.

Jalpy mıınstrdiń atap ótýinshe, zań jobasynda ishki naryqqa gaz jetkizýge basymdyq beriledi. Sonymen qatar ishki naryqqa taýarlyq gaz jetkizý boıynsha biryńǵaı ulttyq operator qurýdy kózdeıdi. Atalǵan operator óńdelgen ilespe gazdy satyp alýda basym quqyqqa ıe bolady. Árbir oblys pen qala úshin biryńǵaı kóterme baǵa engizý máselesi je zań jobasynda qarastyrylǵan. Bul oraıda aıta keterligi, baǵa Úkimetpen belgilenetin bolady.

«Bul zańdy qabyldaý gaz salasynyń aldynda turǵan máselelerdi keshendi sheshýge múmkindik beredi», - deıdi mınıstr.