Úkimet energııa tıimdiligi jónindegi keshendi jospardy qabyldady

Atalǵan qujatty ındýstrııa jáne jańa tehnologııalar vıtse-mınıstri Qanysh Tileýshın tanystyrdy. Vıtse-mınıstrdiń sózine qaraǵanda, búginde energııa tıimdiligi álemdegi aldyńǵy qatarly elderdiń damýynyń negizi bolyp tabylady.

«Bizdiń elde bul turǵyda aýqymdy áleýet bar» dedi ol. Q.Tileýshınniń aıtýynsha, energııany kóp paıdalanatyn salalardyń biri - ónerkásiptik óndiris salasy. Búginde onyń úlesinde energııa paıdalanýdyń 70 paıyzynan astam kórsetkishi qamtylyp otyr. Atap aıtqanda, búginde elimizdegi 15 iri kásiporyn 30 paıyzdan astam elektr energııasyn paıdalanady.