Úkimet eńbek jaǵdaılary densaýlyqqa zııan jumys oryndaryn túbegeıli azaıtýǵa múddeli - B.Saparbaev
ASTANA. QazAqparat - Qazaqstan Úkimet eńbek jaǵdaılary densaýlyqqa zııan jumys oryndaryn túbegeıli azaıtýǵa múddeli. Bul týraly búgin Astanada ótken Halyqaralyq eńbekti qorǵaý konferentsııasynda QR Premer-mınıstriniń orynbasary Berdibek Saparbaevtyń qatysýshylarǵa arnaǵan hatynda aıtyldy.
«Qazaqstanda eńbek sharttarynan týyndaǵan máseleler edáýir ekonomıkalyq shyǵyndarǵa uryndyrady. Búginde 690 myńnan astam jumysshylar ótemaqylar alady. Osy maqsatqa jyl saıyn jumys berýshiler 70 mlrd. teńgeden astam qarajat jumsaıdy. Osy máselelerdi eskere otyryp, Úkimet eńbek jaǵdaılary qaýipti jumys oryndaryn túbegeıli azaıtyp, óndiristik jaraqattardyń úlesin kemitýge múddeli», - delingen hatta.
B. Saparbaevtyń málimetinshe, bul máseleni 2016-2020 jyldarǵa arnalǵan densaýlyq saqtaýdy damytý memlekettik baǵdarlamasynyń ekinshi kezeńi sheshedi. Baǵdarlama óndiristik qorshaǵan ortanyń turǵyndar densaýlyǵyna keri áserin azaıtyp, sondaı-aq jumys berýshilerdi jumysshylardyń salaýatty ómir saltyn ustanýyna yqpal etýge yntalandyrady.
Sonymen qatar B.Saparbaev óz sózinde atap ótkendeı, Qazaqstan Úkimeti naqty belgilengen quqyqtar, mindetter men jaýapkeshilik arqyly eńbek qaýipsizdigin damytý júıesin qalyptastyrýdaǵy Halyqaralyq eńbek uıymyn (HEU) jan-jaqty qoldaıdy.
HEU málimetteri boıynsha, álemde jyl saıyn jumys oryndaryndaǵy 270 mln. oqys oqıǵa men 160 mln. kásipke baılanysty aýrýlar tirkeledi. Solardyń kesirinen 2 mln-nan astam adam qaza bolady.
