Úkimet elimizde adam kapıtalyn damytý máselelerin talqylady
ASTANA. QazAqparat - Búgin QR Úkimetiniń otyrysynda elimizdegi adam kapıtalyn damytý máseleleri qaraldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Bilim jáne ǵylym vıtse-mınıstri Tahır Balyqbaev málim etti.
«Úkimet otyrysynda adam kapıtaly boıynsha jahandyq básekege qabilettilik ındeksin arttyrý týraly, onyń ishinde bilim salasyna qatysty da máseleler qaraldy. Jaqynda ǵana jahandyq básekelestikke qabilettilik ındeksi jarııalanyp, bizdiń elimiz onda 50-shi orynǵa turaqtady. Al bilim berý salasyndaǵy 13 ındıkatordyń jeteýinde biz ótken jylǵy kórsetkishterden birshama joǵaryladyq», - dedi ol.
B.Balyqbaevtyń sózine qaraǵanda, ǵalymdardyń qoljetimdiligi ındıkatory 15, al bilim berý júıesi sapasynyń kórsetkishi 12 pozıtsııaǵa kóterilgen. Bul elimizdegi bilim berý salasynda atqarylyp jatqan jumystardyń naqty nátıjesi desek te bolady.
«Degenmen, aldaǵy ýaqytta Elbasynyń tapsyrmasyna sáıkes, biz bul kórsetkishterdi jaqsarta túsýimiz kerek», - dedi T.Balyqbaev.
