Úkimet Elbasy tapsyrmalaryn oryndaý úshin 70 is-sharadan turatyn jospardy bekitti

Bul týraly búgin Úkimet otyrysynda QR Ekonomıka jáne bıýdjetti josparlaý mınıstri Erbolat Dosaev aıtty.

«Memleket basshysy qoıǵan mindetterdi iske asyrý maqsatynda QR Úkimeti Memleket basshysynyń tapsyrmalaryn oryndaý boıynsha is-sharalar josparyn bekitti. Ol 70 is-sharadan turady»,-dedi ol.

Mınıstrdiń atap ótýinshe, aǵymdaǵy jyldyń sońyna deıin 46, al kelesi jyly 22 is-sharany iske asyrý kózdelgen.

«Bul rette 2 is-shara bıýdjettik zańnamany jetildirý máseleleri jónindegi zańdy qabyldaǵannan keıin 2 aı merziminde iske asyrylatyn bolady», -dedi E. Dosaev.

Onyń atap ótýinshe, is-sharalar jospary 4 normatıvtik-quqyqtyq akti jobasyn ázirleýdi kózdeıdi. Olar mynalar: «Memlekettik organdarda satyp alýlardy ótkizý boıynsha konkýrstyq komıssııalardyń tóraǵalary etip tıisti birinshi basshylardy taǵaıyndaýdy qamtamasyz etý týraly», «Qoldanystaǵy zańnamaǵa memlekettik satyp alýlar qorytyndylaryna shaǵymdaný rásimin jetildirý bóliginde ózgerister engizý týraly», «Bıýdjettiń atqarylýy jáne oǵan kassalyq qyzmet kórsetý qaǵıdalaryna ózgertýler men tolyqtyrýlar engizý týraly», «Artyq bıýdjettik rásimder men kelisýlerdi qysqartý týraly».