Úkimet ekonomıkany turaqty damytý úshin barlyq kúsh-jigerin jumsaıdy - Asqar Mamın

NUR-SULTAN. QazAqparat – Úkimet ekonomıkany turaqty damytý úshin barlyq kúsh-jigerin jumsaıdy. Bul týraly QR Premer-Mınıstri Asqar Mamın aıtty, dep habarlaıdy QazAqparat tilshisi.

«Jahandyq ekonomıkadaǵy jaǵdaıdyń birtindep jaqsaryp kele jatqanyna qaramastan, belgisizdik deńgeıi áli de bolsa óte joǵary. Osyndaı jaǵdaıda Úkimet ulttyq ekonomıkanyń ornyqtylyǵyn qamtamasyz etý jáne halyqtyń turmys sapasyn jaqsartý boıynsha barlyq qajetti is-sharalardy iske asyryp jatyr», - dedi Premer-Mınıstr Úkimettiń keńeıtilgen otyrysynda.

Úkimet basshysynyń atap ótýinshe, bul is-sharalarǵa ulttyq óndiristi jahandyq naryqtaǵy jańa syn-qaterler men múmkindikterge beıimdeý, qosylǵan qun naryǵyna ıntegratsııalaý, sapaly jumys oryndaryn qurý, halyqtyń tabysyn arttyrý jatady.

«Úkimet alǵa qoıylǵan maqsattarǵa qol jetkizý jáne ulttyq ekonomıkanyń turaqty damýyn qamtamasyz etý úshin barlyq kúsh-jigerin jumsaıdy», - dedi Asqar Mamın.