Úkimet Ekologııa jáne tabıǵı resýrstar mınıstrligine qosymsha quzyret berdi
ASTANA. QazAqparat – Premer-Mınıstr Álıhan Smaıylov «Ekologııa jáne tabıǵı resýrstar mınıstrliginiń keıbir máseleleri» týraly Úkimet qaýlysyna qol qoıdy, dep habarlaıdy QazAqparat tilshisi.
Qaýlyǵa saı, atalǵan vedomstvoǵa myna fýnktsııalar berildi:
- óz quzyreti sheginde saýda qyzmetin retteý salasyndaǵy ýákiletti organmen kelisý boıynsha jekelegen taýarlarǵa qatysty tyıym salýlar men san jaǵynan shekteýlerdi (kvotalardy) engizedi;
- saýda qyzmetin retteý salasyndaǵy ýákiletti organmen kelisý boıynsha kvotalardy bólý tártibin ázirleıdi jáne bekitedi;
- saýda qyzmetin retteý salasyndaǵy ýákiletti organmen kelisý boıynsha syrtqy saýda qyzmetine qatysýshylar arasynda jekelegen taýarlardy áketýge jáne (nemese) ákelýge san jaǵynan shekteýlerdi (kvotalardy) bóledi, sondaı-aq kvotalar mólsherin jáne olardyń qoldanylý merzimin aıqyndaıdy;
- jekelegen taýar túrlerin Qazaqstan aýmaǵynan eksporttaýǵa jáne (nemese) ımporttaýǵa lıtsenzııa berý tártibin ázirleıdi jáne bekitedi;
- saýda qyzmetin retteý salasyndaǵy ýákiletti organmen kelisý boıynsha taýarlardyń nysanaly maqsatyn rastaýdyń tártibi men nysanyn ázirleıdi jáne bekitedi;
- taýarlardyń nysanaly maqsatyn rastaýdy usynady.
Qaýly 5 qyrkúıekten bastap kúshine endi.
