Úkimet Ekibastuzdy damytýdyń keshendi josparyn maquldady
QR Premer-Mınıstri Asqar Mamın Ekibastuz qalasynyń búkil eldegi iri ındýstrııalyq jáne energetıkalyq ortalyq ekenin ataı kelip shahardy damytýdyń keshendi jospary maquldanatynyt aıtty.
«Qalanyń energetıka salasyndaǵy damý áleýeti joǵary. Keshendi jospardaǵy 114 is-sharany iske asyrý oblystyń damýyna jańa serpin beredi. Negizgi kapıtalǵa ınvestıtsııalar bes esege ulǵaıady jáne 2025 jyly 737 mlrd teńgeni quraıtyn bolady.
Turǵyn úı ınfraqurylymy men basqa da ınfraqurylymdy, áleýmettik salany damytýǵa, ekologııalyq problemalardy sheshýge baǵyttalǵan jobalar iske asyrylady», - degen Úkimet basshysy keshendi jospar aıasynda temir jol mashına jasaý ónimderi óndirisi men metallýrgııa ónerkásibin qarqyndy damytýǵa basa nazar aýdarylatynyn atady.
«Bul qujatty maquldaımyz. Ulttyq ekonomıka mınıstrligi men Pavlodar oblysynyń ákimdigi múddeli memlekettik organdarmen birge jospar is-sharalarynyń ýaqtyly oryndalýyn qamtamasyz etsin». – dedi Asqar Mamın.
