ÚKІMET DÁRІ-DÁRMEKTERDІŃ BІRYŃǴAI JÚIESІN QURÝY KEREK
«Pandemııa kezinde óńirlerdiń jyldam áreket etip, jedel sheshim qabyldaı almaıtyndyǵy baıqaldy. Densaýlyq saqtaý salasyna qatysty kóptegen másele ortalyqtyń tikeleı aralasýymen sheshilip otyrdy. Sondyqtan tótenshe jaǵdaı kezindegi basqarý isin naqty qurylymǵa saı bir ortalyqtan júrgizý kerek bolady», - dedi Qazaqstan Prezıdenti.
Sonymen qatar Qasym-Jomart Toqaev elimizdiń dári-dármekpen jáne medıtsınalyq ónimdermen qamtamasyz etý isiniń olqylyqtary anyqtalǵandyǵyn basa aıtty.
«Biz ımportqa tym táýeldimiz. Shetelden keletin dárilerdiń naryqtaǵy úlesi 88 paıyzǵa jýyq. Formakologııalyq zertteýler júrgizý úshin tájirıbemiz jetkilikti. Ǵylymı baza da, bilikti mamandar da bar. Sondyqtan Úkimet dári-dármek óndirisiniń birtutas júıesin qurýy qajet. Munda zertteý júrgizýden bastap, ónerkásiptik deńgeıge deıingi úderister qamtylýǵa tıis», - dedi Memleket basshysy.
