Úkimet daǵdarysqa qarsy sharalarǵa bólgen qarajat qaıda jumsalady
«Úkimet eldegi áleýmettik-ekonomıkalyq turaqtylyq pen jumyspen qamtýdy qoldaýǵa baǵyttalǵan daǵdarysqa qarsy sharalardy iske asyrýda. Daǵdarysqa qarsy sharalarǵa 5 trln 938 mlrd teńge qarjy bólindi. Onyń 3 trln 462 mlrd teńgesi – respýblıkalyq bıýdjet esebinen, 2 trln 476 mlrd teńgesi – bıýdjetten tys qarajat esebinen», - dedi ol Ortalyq kommýnıkatsııalar qyzmetindegi brıfıng barysynda.
Berik Sholpanqulovtyń atap ótýinshe, Jumyspen qamtý jol kartasyn qarjylandyrýǵa 1 trln teńge kózdelgen. Onyń ishinde respýblıkalyq bıýdjet qarajaty esebinen 300 mlrd teńge, bıýdjetten tys qarajat esebinen 700 mlrd teńge qarastyrylyp otyr. Bul qarajat óńirlerge ınfraqurylymdyq jobalardy júzege asyrýǵa jáne 250 myń jumys ornyn ashýǵa múmkindik beredi.
«Bıznes sýbektileriniń aınalym kapıtalyn 8 paıyz jeńildikpen kredıtteý jáne ınvestıtsııalyq jobalardy jyldyq 6paıyz jeńildikpen kredıtteýdi keńeıtý aıasynda «Qarapaıym zattar ekonomıkasy» baǵdarlamasy boıynsha 1 trln teńge kózdelgen«, - dedi birinshi vıtse-mınıstr.
Onyń atap ótýinshe, 15 mln sharshy metr turǵyn úı salý úshin, qosymsha 390 mlrd teńge bıýdjetten tys qarajat jumsalady. RB salyq kiristeriniń shyǵyndaryn óteý jáne memlekettiń barlyq áleýmettik mindettemelerin oryndaýǵa 1,7 trln teńge bólinip otyr. Shaǵyn, orta jáne ekonomıkanyń zardap shekken sektorlarynda iri bıznes úshin salyqtar men alymdardy tóleýden bosatýdy usynýǵa baılanysty jergilikti bıýdjet shyǵyndaryn óteýge 237 mlrd teńge kózdelgen. 313 mlrd teńge áleýmettik tólemderdiń zeınetaqylar, járdemaqylar, ataýly áleýmettik kómekterdi 10 paıyzǵaǵa deıin qosymsha ındeksteýge, stıpendııalardy arttyrýǵa jáne kommýnaldyq qyzmetterdi tóleý boıynsha halyqtyń tólemderin óteýge jumsalady.
»Memlekettik baǵdarlamalardy keńeıtýge 240 mlrd teńge kózdelgen. Onyń ishinde: agroónerkásiptik keshendi sýbsıdııalaýǵa 50 mlrd teńge; «Eńbek» memlekettik baǵdarlamasy boıynsha eńbek naryǵyn damytýǵa 50 mlrd teńge; «Bıznestiń jol kartasy - 2025» memlekettik baǵdarlamasy aıasynda syıaqy mólsherlemesin sýbsıdııalaý jáne kredıtter boıynsha kepildik berýge 84,5 mlrd teńge; «Aýyl - El besigi» jobasy boıynsha aýyldyq eldi mekenderde áleýmettik jáne ınjenerlik ınfraqurylymdy damytýǵa 55 mlrd teńge«, - dedi ol.
