Úkimet daǵdarysqa qarsy sharalardy iske asyrýǵa 5,9 trln teńge baǵyttaıdy
«Úkimet eldegi áleýmettik-ekonomıkalyq turaqtylyq pen jumyspen qamtýdy qoldaýǵa baǵyttalǵan daǵdarysqa qarsy sharalardy iske asyrýǵa 5,9 trln teńge baǵyttaıdy. Bul qarajat respýblıkalyq bıýdjet esebinen – 3,4 trln teńgege jáne bıýdjetten tys qarajat esebinen 2,5 trln teńgege qamtamasyz etildi. Negizinen shyǵyndar halyqty jumyspen qamtýdy ulǵaıtýǵa, aı saıynǵy kiristerdi joǵaltýyna baılanysty tólemderge, áleýmettik tólemderge, turǵyn úı qurylysyna jáne Memleket basshysynyń basqa da tapsyrmalary boıynsha baǵyttalǵan», - dedi ol.
Birinshi vıtse-premer dereginshe, jumyspen qamtýdyń jol kartasyn qarjylandyrýǵa 1 trln teńge qarastyrylǵan. Onyń ishinde respýblıkalyq bıýdjet qarajaty esebinen – 300 mlrd teńge, bıýdjetten tys qarajat – 700 mlrd teńge. Osy qarajat aıasynda óńirlerde ınfraqurylymdyq jobalar iske asyrylyp, 255 myń jumys orny qurylady.
«Aınalym kapıtalyn jyldyq 8 paıyz jeńildikpen nesıeleý jáne «Qarapaıym zattar ekonomıkasy» baǵdarlamasy boıynsha jyldyq 6 paıyz jeńildikpen nesıeleýdi ulǵaıtý sheńberinde 1 trln teńge bıýdjetten tys qarajat qarastyrylǵan. 4,5 mln adam eki aı ishinde 42,5 myń teńge mólsherinde tólem alýda. Bul maqsatqa 380 mlrd teńge Memlekettik áleýmettik saqtandyrý qorynan kózdelgen. Turǵyn úı qurylysyn 15 mln sharshy metrge jetkizý úshin qosymsha 390 mlrd teńge bıýdjetten tys kózderinen tartylady», - dedi Álıhan Smaıylov.
