Úkimet bos jatqan jerlerdi aınalymǵa engizý sharalaryn qolǵa alýy tıis - Prezıdent

NUR-SULTAN. QazAqparat – Jerdi sot arqyly alyp qoıýdyń tıimdi jáne jedel tetikterin qarastyrý kerek. Búgin Ulttyq qoǵamdyq senim keńesiniń ekinshi otyrysynda QR Prezıdenti Qasym-Jomart Toqaev osylaı málim etti, dep habarlaıdy QazAqparat tilshisi.

«Jerdi sot arqyly alyp qoıýdyń tıimdi jáne jedel tetikterin qarastyrý mańyzdy. Igerilmeı jatqan jer telimderin qaıtaryp alý kezinde isti sozbalańǵa salýdyń túrli amal-aılasy ókinishke qaraı, oryn alatyn boldy. Osyndaı jaǵdaıda jerdi eshkim paıdalana almaı bos qalady. Úkimet tıisti quqyqtyq aktilerdi jedel qabyldap, ıgerilmeı bos jatqan jerlerdi ekonomıkalyq aınalymǵa engizý sharalaryn qolǵa alýy tıis», - dedi Memleket basshysy