Úkimet blogyna kúnine 6-7 myńǵa tarta saýaldar kelip túsedi - Q. Esekeev
nbsp;ASTANA. Naýryzdyń 1-i. QazAqparat /Qanat Mámetqazyuly/ - Úkimet blogyna kúnine 6-7 myńǵa tarta saýaldar kelip túsedi.
Búgin QR Parlamenti Májilisinde ótken Úkimet saǵatynda Aqparattandyrý jáne baılanys agenttiginiń tóraǵasy Qýanyshbek Esekeev osylaı málim etti, dep habarlaıdy QazAqparat.
Cóz arasynda Agenttik tóraǵasy Q. Esekeev sońǵy jyldary memlekettik basqarý qyzmetine qatysty ınternettik baılanystardyń qarqyndy damyp otyrǵanyn atap ótti. Onyń aıtýynsha, memlekettik basqarý boıynsha Úkimettiń, mınıstrler men basshylar deńgeıindegi blog-platformalarda ınternettik baılanys alańdary qyzý damyp jatyr. «Jalpy, Úkimettiń blogyna kúnine 6-7 myńǵa tarta ótinishter, úndeýler men saýaldar qabyldanady. Saýaldardyń óńdeýden keıingi óndiriske alynatyny shamamen 400-ge jýyq bolyp otyr. Reglament boıynsha bul saýaldar, ótinishter tıisti salalar boıynsha memlekettik organdar basshylaryna joldanady. Byltyrdan beri elimizde 23-ke tarta ınternet-forýmdar uıymdastyryldy jáne bul jaqsy dástúrge aınalyp otyr», dedi Q. Esekeev. Onyń aıtýynsha, ınternet arqyly ótkizilgen eń aýqymdy forým elimizdiń úleskerler máselesine arnalǵan.
