Úkimet bilim berýdi damytýdyń 2026 jylǵa deıingi tujyrymdamasyn bekitti
Bul týraly Úkimet otyrysynda elimizdegi bilim berýdi damytýdyń 2026 jylǵa deıingi tujyrymdamasyn talqylaý kezinde Premer-Mınıstr Álıhan Smaıylov aıtty, dep habarlaıdy QazAqparat tilshisi.
«2025 jylǵa qaraı jańa qurylys standarttary boıynsha jalpy sany 840 myń orynǵa arnalǵan mektep salý josparlanǵan. Tujyrymdamanyń barlyq josparlary balalardyń sapaly jáne jan-jaqty damýyn qamtamasyz etýi kerek. Sondyqtan balalardyń boıyndaǵy bilim nátıjesin baǵalaýdyń barlyq deńgeıde moıyndalǵan ádistemelerin engizýge erekshe nazar aýdarý kerek. Jastardy kásipkerlik daǵdylaryna oqytý úshin kolledjder, onyń ishinde aýyldyq kolledjder janynan shaǵyn ınnovatsııalyq kásiporyndar qurylatyn bolady. Bul óz kezeginde kolledj túlekteriniń 75 pıayzyn oqý bitirgennen keıin birden jumysqa ornalastyrýǵa múmkindik beredi», - dedi Úkimet basshysy Álıhan Smaıylov.
Sonymen qatar Premer-Mınıstr jetekshi joǵary oqý oryndaryn zertteý ýnıversıtetterine transformatsııalaý júrip jatqanyn, sondaı-aq tanymal shetel ýnıversıtetteri fılıaldarynyń sany artatynyn eske saldy.
«2026 jylǵa qaraı bakalavrlar stıpendııasynyń mólsheri 2 ese, magıstranttar men doktoranttardyń stıpendııasy 1,5 ese artady. Tujyrymdamany iske asyrý bilim berý sapasyn jaqsartýǵa jáne Qazaqstannyń halyqaralyq bilim berý reıtıngilerindegi kórsetkishterin arttyrýǵa baǵyttalǵan», - dedi Álıhan Smaıylov.
Osy oraıda Oqý-aǵartý, Ǵylym jáne joǵary bilim mınıstrlikteri múddeli memlekettik organdarmen jáne ákimdiktermen birlesip, Bilim berýdi damytý tujyrymdamasynyń is-sharalaryn ýaqtyly oryndaýdy qamtamasyz etedi.
«Sonymen qatar, Tujyrymdamany «Bilimdi ult» ulttyq jobasymen, «Jaıly mektep» jobasymen úılestirý jóninde sharalar qabyldaý kerek», - dedi Úkimet basshysy.
Budan buryn habarlanǵandaı, ata-analar bilim berý júıesindegi «jan basyna qarjylandyrý» qaǵıdaty boıynsha kez kelgen balabaqshadan oryn tańdaı alady.
Búgin Úkimet otyrysynda Oqý-aǵartý mınıstri Ashat Aımaǵambetov elimizdegi bilim berýdi damytýdyń 2026 jylǵa deıingi tujyrymdamasyn tanystyrdy.
Balabaqshalarda balalardy erte damytýdyń jańa modeli engizilip jatyr. Osy oraıda ondaǵy baǵdarlama da, oqytý ádisteri de túbegeıli ózgeredi.
Sonymen qatar, mektepterge arnalǵan jańa memlekettik standarttar men oqý baǵdarlamalary ázirlenip jatyr.
Foto: primeminister.kz
