Úkimet basshysynyń jumys kestesi: Serik Ahmetovke «Bolashaq» prezıdenttik baǵdarlamasyn júzege asyrýdyń jaı-japsary baıandalady

ASTANA. 15 sáýir. QazAqparat - Búgin Astanada ótken brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev Premer-Mınıstrdiń aǵymdaǵy aptadaǵy jumys kestesimen tanystyrdy.

Resmı ókildiń aıtýynsha, erteń Serik Ahmetovtiń tóraǵalyǵymen Qazaqstan Úkimetiniń otyrysy ótip, onyń barysynda «Bolashaq» prezıdenttik baǵdarlamasyn júzege asyrýdyń jaı-japsary talqylanbaq.

Bul baǵdarlamany iske asyrýdyń negizgi maqsattary jaıynda QR Bilim jáne ǵylym mınıstri Baqytjan Jumaǵulov baıandaıdy.

Budan bólek, 18 sáýirde Úkimet basshysy halyqty jumyspen qamtý máselesi jóninde keńes ótkizedi.

Onyń barysynda «Jumyspen qamtý-2020» jol kartasy talqylanady dep kútilýde.