Úkimet basshysynyń osy aptadaǵy jumys jospary
ASTANA. 18 naýryz. QazAqparat - Búgin Astanada QR Prezıdenti janyndaǵy ortalyq kommýnıkatsııalar qyzmetiniń resmı ókili Altaı Ábıbýllaev Úkimet basshysy Serik Ahmetovtiń aǵymdaǵy aptadaǵy jumys josparymen tanystyrdy.
Atap aıtqanda, 18 naýryzda Premer-Mınıstrdiń tóraǵalyǵymen azamattyq avıatsııa men jańa bıýdjettik saıasat máselelerine qatysty otyrys ótedi. Budan bólek, 19 naýryzda S. Ahmetovtiń tóraǵalyǵymen ótetin Úkimet otyrysynda elektrondy Úkimetti damytý boıynsha máseleler qarastyrylady. Osynyń aıasynda QR Kólik jáne kommýnıkatsııa mınıstri Asqar Jumaǵalıev, Bilim jáne ǵylym mınıstri Baqytjan Jumaǵulov, sondaı-aq QR Іshki ister mınıstri Qalmuhanbet Qasymov ózderiniń qyzmetindegi mekemelerdiń atqarǵan is-sharalary boıynsha aqparat beredi.
Sonymen qatar 19 naýryzdaǵy Úkimet otyrysy barysynda QR Densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasyn iske asyrý barysyn talqylaý josparlanýda. Bul baǵytta atqarylǵan jáne atqarylatyn jumystar týraly QR Densaýlyq saqtaý mınıstri Salıdat Qaıyrbekova baıandaıdy.
