Úkimet basshysynyń orynbasary Aqmola oblysynda HQO jumysymen tanysty
«Azamattarǵa arnalǵan úkimet» memlekettik korporatsııasynyń Aqmola oblysy boıynsha fılıalynyń dırektory Baqytjan Akannyń aıtýynsha, óńirde 25 front-keńse jumys isteıdi. Onyń ishinde mamandandyrylǵan jáne mıgratsııalyq Halyqqa qyzmet kórsetý ortalyqtary bar. Olarda jyl basynan beri barlyǵy 180 myńǵa jýyq memlekettik qyzmet kórsetildi.
Tsıfrlyq HQO-da bolǵan Premer-Mınıstrdiń orynbasary Digital HQKO jumysymen tanysty. Onda turǵyndar elektrondyq qyzmetterdi «Connection point» ózine-ózi qyzmet kórsetý sektorynyń kómegimen alady. Sondaı-aq uıaly telefon, onyń ishinde mGov mobıldik qosymshasy men telegrammbot arqyly qyzmet alý túrlerin ıgerýde.
«Budan bólek, munda aqmolalyqtar tsıfrlyq saýattyǵyn arttyratyn mamandandyrylǵan synyptar jumys isteıdi. Sapar kezinde Gúlshara Ábdiqalyqova kópbalaly otbasylar men halyqtyń áleýmettik jaǵynan az qamtylǵan toptaryn qoldaýǵa nazar aýdardy. Osy oraıda, Tsıfrlyq HQO-da ataýly áleýmettik kómek tóleý boıynsha keńes berý jáne front-keńestiń jumysymen tanysty», - dep atap ótti «Azamattarǵa arnalǵan úkimet» memlekettik korporatsııasynyń Aqmola oblysy boıynsha fılıalynyń qoǵammen baılanys jónindegi menedjeri Nursultan Ybraev.
Aıta keteıik, Aqmola oblysyna ekikúndik jumys saparymen kelgen Premer-Mınıstrdiń orynbasary Gúlshara Ábdiqalyqova bastaǵan jumys toby budan bólek, Kókshetaý qalasyndaǵy «Kókshetaý mıneraldy sýlary» aktsıonerlik qoǵamynda, birqatar memlekettik mekemeler men ujymdarda, kásiporyndarda bolyp, halyqqa áleýmettik qoldaýdyń mánin túsindiretin bolady. Kezdesýler barysynda jalaqy, eńbek qaýipsizdigin saqtaý, óndiris kólemin arttyrý, densaýlyq salasynyń jumysyn jaqsartý týraly máseleler kóterilmek.
Buǵan deıin Úkimet músheleri Aqmola oblysynyń turǵyndarymen kezdeskenin habarlaǵan bolatynbyz.